ଅନୁଗୁଳ: ହାତୀ ଆକ୍ରମଣରେ ଚାଲିଗଲା ଜଣଙ୍କ ଜୀବନ । ଏଭଳି ଏକ ଅଭାବନୀୟ ଘଟଣା ଘଟିଛି ଅନୁଗୁଳ ଜିଲ୍ଲା କରତପଟା ଗାଁରେ। ମୃତକଙ୍କ ନାମ ଗୋପବନ୍ଧୁ ସାହୁ ବୋଲି ଜଣାପଡିଛି ।
ଖବର ଅନୁଯାୟୀ, ଗୋପବନ୍ଧୁ ନିଜ ବଗିଚାରୁ ଫେରୁଥିବା ବେଳେ ହାତୀ ଆକ୍ରମଣର ଶିକାର ହେବା ସହ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା।
ଏହାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହେବା ସହ ସ୍ଥାନୀୟ ଲୋକ ମଧ୍ୟ ଭୟବିତ ଅଛନ୍ତି । ହାତୀଟି କିଛିଦିନ ହେବ ସେହି ଆଖପାଖ ଜଙ୍ଗଲରେ ବୁଲୁଥିବା ବେଳେ ବନ ବିଭାଗ ହାତୀକୁ ଘଉଡାଇବାରେ ବିଫଳ ହୋଇଥିବା ଅଭିଯୋଗ ହୋଇଛି।
ଅନ୍ୟପଟେ ହାତୀ ଆକ୍ରମଣରେ ମୃତ ବ୍ୟକ୍ତିଙ୍କ ପରିବାରକୁ କ୍ଷତିପୂରଣ ଦେବା ସହ ସ୍ଥାନୀୟ ଲୋକଙ୍କୁ ହାତୀ ଦାଉରୁ ସୁରକ୍ଷା ଦେବା ପାଇଁ ଲୋକ ମାନେ ଦାବି କରିଛନ୍ତି।
Comments are closed.