ନୂଆଦିଲ୍ଲୀ: ମାଇକ୍ରୋବ୍ଲଗିଂ ପ୍ଲାଟଫର୍ମ ଏକ୍ସ’ରେ ଏଲନ ମସ୍କଙ୍କ ଫଲୋଅର୍ସ ସଂଖ୍ଯା ୨୦୦ ମିଲିୟନ ଟପିଛି। ନୂତନ ସଫଳତା ସହିତ ମସ୍କ ଏହି ସୋସିଆଲ ମିଡିଆ ପ୍ଲାଟଫର୍ମରେ ଅନ୍ୟତମ ପ୍ରଭାବଶାଳୀ ବ୍ୟକ୍ତି ହୋଇପାରିଛନ୍ତି।
୨୦୨୨ ମସିହାରେ ଏଲନ୍ ମସ୍କ ଟ୍ୱିଟରକୁ ୪୪ ବିଲିୟନ ଡ଼ଲାରରେ କିଣିଥିଲେ ଏବଂ ସେବେଠାରୁ ସେ ପ୍ଲାଟଫର୍ମରେ ଅନେକ ପରିବର୍ତ୍ତନ ମଧ୍ଯ ଆଣିଥିଲେ। ଆସନ୍ତୁ ଜାଣିବା କେଉଁମାନେ ଟପ୍ ୫ରେ ରହିଛନ୍ତି…
ବାରାକ ଓବାମା: ଆମେରିକାର ପୂର୍ବତନ ରାଷ୍ଟ୍ରପତି ୧୩୧.୯ ମିଲିୟନ ଫଲୋଅର୍ସଙ୍କ ସହ ଦ୍ୱିତୀୟ ସ୍ଥାନରେ ଅଛନ୍ତି।
କ୍ରିଷ୍ଟିଆନୋ ରୋନାଲଡୋ: ଫୁଟବଲ୍ ଷ୍ଟାର ୧୧୩.୨ ମିଲିୟନ ଫଲୋଅର୍ସଙ୍କ ସହ ତୃତୀୟ ସ୍ଥାନରେ ଅଛନ୍ତି, ଯାହା ବିଶ୍ୱରେ ତାଙ୍କର ଲୋକପ୍ରିୟତାକୁ ପ୍ରତିଫଳିତ କରିଛି।
ଜଷ୍ଟିନ ବିବର: ୧୧୦.୩ ମିଲିୟନ ଫଲୋଅର୍ସଙ୍କ ସହ ଚତୁର୍ଥ ସ୍ଥାନରେ ରହିଛନ୍ତି, ଯାହା ତାଙ୍କୁ ସଙ୍ଗୀତପ୍ରେମୀଙ୍କ ମଧ୍ୟରେ ଲୋକପ୍ରିୟ କରିପାରିଛି।
ରିହାନା: ପ୍ରାୟ ୧୦୮.୪ ମିଲିୟନ ଫଲୋଅର୍ସଙ୍କ ସହ ଖ୍ୟାତନାମା ଗାୟକ ତଥା ଉଦ୍ୟୋଗୀ ପଞ୍ଚମ ସ୍ଥାନରେ ରହି ପ୍ଲାଟଫର୍ମରେ ଏକ ଗୁରୁତ୍ୱପୂର୍ଣ୍ଣ ସ୍ଥିତି ବଜାୟ ରଖିଛନ୍ତି।
ମାଇକ୍ରୋବ୍ଲଗିଂ ପ୍ଲାଟଫର୍ମରେ ସବୁଠାରୁ ପ୍ରଭାବଶାଳୀ ତଥା ମିଲିୟନ ଫଲୋଅର୍ସଙ୍କ ତାଲିକାରେ ଅନ୍ୟ ଜଣେ ବିଶିଷ୍ଟ ବ୍ୟକ୍ତି ହେଉଛନ୍ତି ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ସେ ବର୍ତ୍ତମାନ ୧୦୨.୪ ମିଲିୟନ ଫଲୋଅର୍ସ ଅତିକ୍ରମ କରିଛନ୍ତି।