ନୂଆଦିଲ୍ଲୀ: ପରଲୋକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଭଉଣୀ ଗୀତା ମେହେଟ୍ଟା। ଦିଲ୍ଲୀସ୍ଥିତ ତାଙ୍କ ବାସଭବନରେ ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୮୦ ବର୍ଷ ବୟସ ହୋଇଥିଲା।
କଳାକ୍ଷେତ୍ରରେ ବିଶେଷ ଅବଦାନ ପାଇଁ ଶ୍ରୀମତୀ ମେହେଟ୍ଟା, ୨୦୦୯ ମସିହାରେ ପଦ୍ମଶ୍ରୀ ସମ୍ମାନ ପାଇଁ ମନୋନୀତ ହୋଇଥିଲେ। ହେଲେ ସେ ପଦ୍ମଶ୍ରୀ ସମ୍ମାନକୁ ପ୍ରତ୍ୟାଖ୍ୟାନ କରିଥିଲେ।
ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ କନ୍ୟା ଗୀତା ପଟ୍ଟନାୟକ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ପ୍ରେମ ପଟ୍ଟନାୟକଙ୍କ ସମେତ ତିନି ଭାଇ ଭଉଣୀଙ୍କ ମଧ୍ୟରୁ ଜଣେ ଥିଲେ। ସେ ପ୍ରସିଦ୍ଧ ଆମେରିକୀୟ ପ୍ରକାଶକ ସ୍ୱର୍ଗତ ସନି ମେହେଟ୍ଟାଙ୍କୁ ବିବାହ କରିଥିଲେ।
୧୯୪୩ ମସିହାରେ ଦିଲ୍ଲୀରେ ଗୀତା ଜନ୍ମ ଗ୍ରହଣ କରିଥିଲେ। ବ୍ରିଟେନର କେମ୍ବ୍ରିଜ ବିଶ୍ୱବିଦ୍ୟାଳୟରେ ଶିକ୍ଷା ଲାଭ କରିଥିଲେ। ତାଙ୍କ ଦ୍ୱାରା ରଚିତ ପୁସ୍ତକଗୁଡ଼ିକ ମଧ୍ୟରେ କର୍ମ କୋଲା, ସ୍ନେକ ଆଣ୍ଡ ଲଡ୍ଡର, ଏ ରିଭର ସୂତ୍ର, ରାଜ ଏଣ୍ଡ ଦ ଏଟରନାଲ ଗଣେଶ ଆଦି ରହିଛି।
Comments are closed.