Encounter: ଆତଙ୍କବାଦୀ-ସୁରକ୍ଷାକର୍ମୀ ମଧ୍ୟରେ ଗୁଳିବିନିମୟ ଜାରି; ଜୈଶ ଆତଙ୍କି ଫସି ରହିଥିବା ଆଶଙ୍କା

ଶ୍ରୀନଗର: ଜମ୍ମୁ-କାଶ୍ମୀରର କିସ୍ତୱାରର ସିଙ୍ଗପୋରାରେ ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ଗୁଳିବିନିମୟ ଜାରି। ରିପୋର୍ଟ ଅନୁସାରେ, ଜୈଶ-ଏ-ମହମ୍ମଦ ଆତଙ୍କବାଦୀର ସଦସ୍ୟମାନେ ଏହି ଅଞ୍ଚଳରେ ଫସି ରହିଥିବା ସମ୍ଭାବନା ରହିଛି । ସୁରକ୍ଷା ବାହିନୀ ଆତଙ୍କବାଦୀଙ୍କୁ କଡା ଜବାବ ଦେଉଛନ୍ତି।

ଘେରାବନ୍ଦୀ ଏବଂ ସର୍ଚ୍ଚ ଅପରେସନ ସମୟରେ ଅଞ୍ଚଳରେ ଲୁଚି ରହିଥିବା ଆତଙ୍କବାଦୀମାନେ ହଠାତ୍ ସୁରକ୍ଷାବାହିନୀ ଉପରେ ଗୁଳି ଚଳାଇଥିଲା । ଏହା ପରେ, ସୁରକ୍ଷା ବାହିନୀ ମଧ୍ୟ କଡା ଜବାବ ହେଉଛନ୍ତି। ଉଭୟ ପାର୍ଶ୍ୱରୁ ବର୍ତ୍ତମାନ ରହି ରହି ଗୁଳି ବିନିମୟ ଜାରି ରହିଛି।

ସୂତ୍ର ଅନୁସାରେ, ସିଙ୍ଗପୋରା ଅଞ୍ଚଳରେ ଆତଙ୍କବାଦୀଙ୍କ ଉପସ୍ଥିତି ବିଷୟରେ ସୁରକ୍ଷା ବାହିନୀ ପୂର୍ବରୁ ବିଶ୍ୱସ୍ତ ଗୁପ୍ତ ସୂଚନା ପାଇଥିଲେ। ଏହି ଗୁଇନ୍ଦା ସୂଚନା ଆଧାରରେ ସେନା, ପୋଲିସ ଏବଂ ଅନ୍ୟାନ୍ୟ ସୁରକ୍ଷା ଏଜେନ୍ସି ମିଳିତ ଭାବରେ ସେହି ଅଞ୍ଚଳରେ ଏକ ବଡ଼ ଧରଣର ଘେରାବନ୍ଦୀ ଏବଂ ସନ୍ଧାନ ଅଭିଯାନ ଆରମ୍ଭ କରିଥିଲେ।

ସୁରକ୍ଷା ସୂତ୍ର ଅନୁସାରେ, ଏହି ଅଞ୍ଚଳରେ ୨ ରୁ ୩ ଜଣ ଆତଙ୍କବାଦୀ ଲୁଚି ରହିଥିବା ସନ୍ଦେହ କରାଯାଉଛି। ଆତଙ୍କବାଦୀମାନେ ଖସି ପଳାଇ ନଯାଆନ୍ତୁ ସେଥିପାଇଁ ସୁରକ୍ଷା ବାହିନୀ ଦ୍ୱାରା ସମଗ୍ର ଅଞ୍ଚଳକୁ ଘେରାବନ୍ଦୀ କରାଯାଇଛି।

ଏନକାଉଣ୍ଟର ପରେ, ଅଞ୍ଚଳରେ ଅତିରିକ୍ତ ସୁରକ୍ଷା ବାହିନୀ ମୁତୟନ କରାଯାଇଛି, ଏବଂ ଆଖପାଖ ଅଞ୍ଚଳରେ ସତର୍କତା ବୃଦ୍ଧି କରାଯାଇଛି। ସ୍ଥାନୀୟ ବାସିନ୍ଦାଙ୍କୁ ସୁରକ୍ଷିତ ସ୍ଥାନରେ ରହିବାକୁ ପରାମର୍ଶ ଦିଆଯାଇଛି ।