ମୁମ୍ବାଇ: ଏଥର କାହାର ହେବ ମହାରାଷ୍ଟ୍ର ! କ୍ଷମତା ରିପିଟ୍ କରିବ ମହାୟୁତି ନା କମବ୍ୟାକ୍ କରିବ ଏମଭିଏ ! ଆଜି ଆସିବ ମହାରାଷ୍ଟ୍ର ନିର୍ବାଚନ ଫଳାଫଳ। ମହାରାଷ୍ଟ୍ର ନିର୍ବାଚନକୁ ନେଇ ବଢ଼ି ଚାଲିଛି ଉତ୍କଣ୍ଠା । ସେପଟେ ଆରମ୍ଭ ହୋଇଛି ଭୋଟ୍ ଗଣତି । ଏହାରି ଭିତରେ ସାମ୍ନାକୁ ଆସିଛି ବରିଷ୍ଠ କଂଗ୍ରେସ ନେତା ଅଶୋକ ଗେହଲଟଙ୍କ ବୟାନ । ଗେହେଲଟ କହିଛନ୍ତି, ଯଦିଓ ଏକଜିଟ୍ ପୋଲ୍ ବର୍ତ୍ତମାନ ଆମ ବିରୁଦ୍ଧରେ ଅଛି, ତେବେ ହରିୟାଣା ନିର୍ବାଚନ ସମୟରେ ତାହା ଆମ ସପକ୍ଷରେ ଥିଲେ। କିନ୍ତୁ, ଯେତେବେଳେ ଫଳାଫଳ ଆସିବା ଆରମ୍ଭ କରିବ, ସେତେବେଳେ ଆପଣ ସ୍ଥିତି ଜାଣିପାରିବେ ।
ସେ ଆହୁରି ମଧ୍ୟ କହିଛନ୍ତି ଯେ, ଆମେ ନିଶ୍ଚିତ ଯେ ଜନସାଧାରଣ ଇଣ୍ଡିଆ ଆଲାଇନ୍ସ ଉପରେ ବିଶ୍ୱାସ ରଖିଛନ୍ତି ଏବଂ ଆମକୁ ବିପୁଳ ପରିମାଣର ଆଶୀର୍ବାଦ ମିଳିଛି । ଆମର ସମ୍ପୂର୍ଣ୍ଣ ଆତ୍ମବିଶ୍ୱାସ ଅଛି ଏବଂ ଆମର କାର୍ଯ୍ୟକର୍ତ୍ତାମାନେ ଉତ୍ସାହିତ ଅଛନ୍ତି । ସେ କହିଛନ୍ତି ଯେ ଇଣ୍ଡିଆ ଆଲାଇନ୍ସ ମିଳିମିଶି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଛି, ପରିସ୍ଥିତି ବି ଆମ ସପକ୍ଷରେ ଅଛି। ଆମେ ଆଶା କରୁଛୁ ଯେ ଭୋଟ୍ ଗଣନା ସୁରୁଖୁରୁରେ ଶେଷ ହେବ ଏବଂ ଆମ ସରକାର କ୍ଷମତାକୁ ଆସିବ।
ସେପଟେ ରାଜସ୍ଥାନ ବିଧାନସଭା ଉପ-ନିର୍ବାଚନକୁ ନେଇ ସେ କହିଛନ୍ତି, “ମୁଁ ଆଶା କରୁଛି ଯେ ଏଠାରେ ମଧ୍ୟ ଫଳାଫଳ ଭଲ ହେବ।ଠ
Comments are closed.