ଭୁବନେଶ୍ୱର: ବଜାରରେ ଚାଲିଛି ଜବରଦଖଲ ଉଚ୍ଛେଦ । ରାଜଧାନୀ ଉପକଣ୍ଠ ତଥା ଖୋର୍ଦ୍ଧା ଜିଲ୍ଲା ବାଲିପାଟଣା ତହସିଲ ଅଧୀନ ବନମାଳୀପୁର ବଜାରରେ ଜବରଦଖଲ ଉଚ୍ଛେଦ ଜାରି ରହିଛି । ଖୋର୍ଦ୍ଧା ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଜବରଦଖଲ ଉଚ୍ଛେଦ କରୁଛି ସ୍ଥାନୀୟ ପ୍ରଶାସନ । ଆଜି ବାଲିପାଟଣା ତହସିଲଦାର, ଅତିରିକ୍ତ ତହସିଲଦାର ଓ ପୋଲିସ ଉପସ୍ଥିତିରେ ବଜାରରେ ବେଆଇନ୍ ଜବରଦଖଲ ଭଙ୍ଗା ଯାଇଛି ।
ଅଠାନ୍ତର ନିଆଳି ରାସ୍ତାରେ ବେଆଇନ ଭାବେ ସରକାରୀ ଜାଗା ଉପରେ ରାସ୍ତାକୁ ମଡ଼ାଇ ଦୋକାନ ଘର ହୋଇଥିଲା । ଯାହା ଫଳରେ ଅନେକ ସମୟରେ ବଜାରରେ ଅସମ୍ଭାଳ ଭିଡ଼ ସହ ଉପୁଜୁଥିଲା ଟ୍ରାଫିକ ସମସ୍ୟା । ବଜାର କମିଟି ଓ ସ୍ଥାନୀୟ ଲୋକେ ଉଚ୍ଛେଦ କାର୍ଯ୍ୟରେ ପ୍ରଶାସନକୁ ସହଯୋଗ କରିଛନ୍ତି । ଉଚ୍ଛେଦ ବେଳେ ହଜାର ହଜାର ଲୋକଙ୍କ ଭିଡ଼ ଜମିଥିବା ବେଳେ ପୋଲିସ ମୁତୟନ ହୋଇଥିଲେ ।
ଉଚ୍ଛେଦ ଯୋଗୁଁ ଶତାଧିକ ଦୋକାନୀଙ୍କ ଜୀବନ ଓ ଜୀବିକା ପ୍ରଭାବିତ ହୋଇଛି । ଉଠା ଦୋକାନୀ ମାନଙ୍କ ପାଇଁ ସ୍ଥାନୀୟ ପ୍ରଶାସନ ଓ ସରକାର ବିକଳ୍ପ ବ୍ୟବସ୍ଥା କରିବା ପାଇଁ ବନମାଳୀପୁର ବଜାର କମିଟି ପକ୍ଷରୁ ଦାବି ହୋଇଛି ।
Comments are closed.