ନୂଆଦିଲ୍ଲୀ: ଫେସବୁକ୍ ଇନ କମ୍ପାନୀକୁ ଏକ ନୂତନ ନାମ ସହିତ ଏହାକୁ ରିବ୍ରାଣ୍ଡ୍ କରିବାକୁ ଯୋଜନା କରୁଛି। ରିପୋର୍ଟ ଅନୁଯାୟୀ ଫେସବୁକ ଆସନ୍ତା ସପ୍ତାହରେ ଏହାର କମ୍ପାନୀର ନାମ ପରିବର୍ତ୍ତନ କରିବାକୁ ଯୋଜନା କରୁଛି। ଫେସ୍ବୁକ୍ ସିଇଓ ମାର୍କ ଜୁକରବର୍ଗ ଅକ୍ଟୋବର ୨୮ ରେ କମ୍ପାନୀର ବାର୍ଷିକ କନେକ୍ଟ ସମ୍ମିଳନୀରେ ନାମ ପରିବର୍ତ୍ତନ ବିଷୟରେ କହିବାକୁ ଯୋଜନା କରିଛନ୍ତି।
ରିପୋର୍ଟ ଅନୁଯାୟୀ, ତେବେ କମ୍ପାନୀ ଏଭଳି ପଦକ୍ଷେପ ନେବାର ପଛର ଉଦ୍ଦେଶ୍ୟ ହେଉଛି ସୋସିଆଲ ମିଡିଆ ପ୍ଲାଟଫର୍ମ ଠାରୁ କିଛି ଅଧିକ ମାନ୍ୟତା ପାଇବାକୁ ଚାହୁଁଛି। ଅନ୍ୟପକ୍ଷେ ଫେସବୁକ ମୁଖପାତ୍ର କିନ୍ତୁ ମନ୍ତବ୍ୟ ଦେବାକୁ ମନା କରିବା ସହ କହିଛନ୍ତି ଯେ ଗୁଜବ କିମ୍ବା କଳ୍ପନା ଜଳ୍ପନ ଉପରେ କମ୍ପାନୀ କୌଣସି ମନ୍ତବ୍ୟ ଦେବନାହିଁ।
ଅକ୍ଟୋବର ୧୮ ରେ, ଫେସବୁକ କହିଛି ଯେ ମେଟାଭର୍ ନିର୍ମାଣରେ ସହାୟତା କରିବାକୁ ଆସନ୍ତା ପାଞ୍ଚ ବର୍ଷ ମଧ୍ୟରେ ୟୁରୋପୀୟ ୟୁନିଅନରେ ୧୦,୦୦୦ ଲୋକଙ୍କୁ ନିଯୁକ୍ତି ଦେବାକୁ ଯୋଜନା କରିଛି।