୩ ଲକ୍ଷ ଟଙ୍କାର ପୁଳା ପୁଳା ନକଲି ନୋଟ୍ ଜବତ, ଜଣେ ଗିରଫ

କୋରାପୁଟ: କ୍ରାଇମବ୍ରାଞ୍ଚ ଝଞୠ କବଜାରେ ଜାଲ୍ ନୋଟ୍ ରାକେଟ । କୋରାପୁଟ ଜିଲ୍ଲା ସୁନାବେଡ଼ା ବସ୍‌ଷ୍ଟାଣ୍ଡରୁ ଜାଲ ନୋଟ୍ ଜବତ । ୩ ଲକ୍ଷ ୨୮ ହଜାର ୩୦୦ ଟଙ୍କାର ଜାଲ୍ ନୋଟ୍ ଜବତ କରିଛି ଏସଟିଏଫ୍ । ବିଡ଼ା ବିଡ଼ା ଜାଲ ନୋଟ୍ ମିଳିଛି । ଏହି ଘଟଣାରେ ଜଣଙ୍କୁ ଗିରଫ କରାଯାଇଛି । ତାଙ୍କ ନାଁ ଅନାମ ଖିଲେ ଓ ଘର ଗିରଫ ନନ୍ଦପୁର ଲେଖିଗୁଡ଼ାରେ ।
ଅଭିଯୁକ୍ତ ଅନାମ ନିକଟରୁ ଟଙ୍କା ସହ ମାରଣାସ୍ତ୍ର ବି ଜବତ ହୋଇଛି । ସେ ଜାଲ ନୋଟ୍ କାରବାର କରୁଥିବା ଏସଟିଏଫକୁ ବିଶ୍ୱସ୍ତ ସୂତ୍ରକୁ ଖବର ମିଳିଥିଲା । ଚଢ଼ାଉ ବେଳେ ଅନାମ ନିକଟରୁ ଲକ୍ଷାଧିକ ଟଙ୍କାର ନକଲି ନୋଟ ମିଳିଛି । ଜବତ ନୋଟ୍ ଭିତରେ ଶହେ ଓ ପାଞ୍ଚ ଶହ ଟଙ୍କିଆ ନକଲି ନୋଟ୍ ରହିଛି ।

ଏହି ଘଟଣାରେ ଅନାମକୁ ପଚରାଉଚରା ଜାରି ରଖିଛି କୋରାପୁଟ ପୋଲିସ । ସେ କେବେଠାରୁ ଏମିତି ଜାଲ୍ କାରବାର ଚଳାଉଥିଲା । ଏହି ନେଟଓ୍ୱାର୍କରେ ଆଉ କେଉଁମାନେ ସଂପୃକ୍ତ । ରାଜ୍ୟ ଭିତରେ ସ୍ୱତନ୍ତ୍ର ଭାବରେ ନକଲି ନୋଟ୍ ରାକେଟ୍ କାମ କରୁଛି କି ? ସେ ନିଜେ ନକଲି ନୋଟ୍ ଛାପୁଥିଲା ନା ଆଉ କେଉଁଠୁ ଆଣୁଥିଲା ? ମାଷ୍ଟରମାଇଣ୍ଡ କିଏ ? କେଉଁଯାଏ ଲମ୍ବିଛି ଜାଲ୍ ନୋଟ୍ କାରବାର ନେଟଓ୍ୱାର୍କ ?