ଭୁବନେଶ୍ୱର: ଢେଙ୍କାନାଳରେ ଚାଞ୍ଚଲ୍ୟ । ବନ୍ଦ ଘର ଭିତରୁ ଗୋଟିଏ ପରିବାରର ତିନି ମୃତଦେହ ଉଦ୍ଧାର ହୋଇଛି । ବେକରେ ରଶି ଲଗାଇ ଏକା ସଙ୍ଗେ ଝୁଲିପଡ଼ିଲେ ପରିବାରର ବାପା ଓ ୪୦ ବର୍ଷୀୟ ଝିଅ ଓ ୧୬ ବର୍ଷୀୟ ନାତି । ଢେଙ୍କାନାଳ ସଦର ଥାନା ଅନ୍ତର୍ଗତ ଚାଉଳିଆ ଖମାର ଗାଁରେ ଘଟିଛି ଏଭଳି ଅଭାବନୀୟ ଘଟଣା । ତେବେ କେଉଁ କାରଣ ପାଇଁ ଏକା ସାଙ୍ଗରେ ତିନି ତିନି ଜଣ ପ୍ରାଣ ହରାଇଲେ, ତାହା ଅସ୍ପଷ୍ଟ ରହିଛି ।
ଘଟଣାସ୍ଥଳରେ ସଦରଥାନା ପୋଲିସ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି । ମୃତକ ହେଲେ ୭୦ ବର୍ଷୀୟ ଶଙ୍କର୍ଷଣ ଦାସ, ଝିଅ ସୁବର୍ଣ୍ଣ ଦାସ ଓ ନାତି ସନ୍ତୋଷ କୁମାର ଦାସ । ଶଙ୍କର୍ଷଣଙ୍କ ସ୍ତ୍ରୀ ପୁଷ୍ପାଞ୍ଜଳି ଦାସଙ୍କ କହିବା କଥା ତିନିଦିନ ହେବ ତାଙ୍କ ସ୍ୱାମୀ ଗୋଟିଏ ରୁମରେ, ଝିଅ ଓ ନାତି ଅନ୍ୟ ଏକ ରୁମରେ ଗତ ବୁଧବାର ରାତିରୁ ବେକରେ ରାଶି ଲଗାଇ ଦେଇଥିଲେ । ହେଲେ ଘଟଣାର ଦୁଇଦିନ ପରେ ଅର୍ଥାତ ଗତକାଲି ଏନେଇ ଗାଁଲୋକଙ୍କୁ ଜଣାଇ ଥିଲେ । କେହି ଜଣେ ହେଲେ ବି ତାଙ୍କ କଥା ଶୁଣି ନଥିଲେ । ପରେ ପୁଷ୍ପାଞ୍ଜଳି ଆଜି ଢେଙ୍କାନାଳ ସହରର ଭଗବାନପୁର ଠାରେ ପୁଅ ପ୍ରସନ୍ନ ପାଖକୁ ଯାଇ ସବୁକଥା ଜଣାଇଥିଲେ । ପରେ ପୋଲିସ ଉପସ୍ଥିତିରେ ଘର କବାଟ ଖୋଲା ଯାଇଥିଲା । ପୁଷ୍ପାଞ୍ଜଳିଙ୍କ ସ୍ବାମୀ ଶଙ୍କର୍ଷଣଙ୍କ ରେଲଓ୍ବେ ଡିପାର୍ଟମେଣ୍ଟରେ ଗେଟ୍ କିପର ଭାବେ ଚାକିରି କରୁଥିଲେ ।
Comments are closed.