ମୁମ୍ବାଇ: ଫିଲ୍ମ ‘ଯବାନ’କୁ ନେଇ ବଲିଉଡ଼ର କିଙ୍ଗ୍ ଖାନ୍ ତଥା ଶାହରୁଖ ଖାନ୍ ଆଜିକାଲି ଖୁବ୍ ଚର୍ଚ୍ଚାରେ । ଅଗଷ୍ଟ ୩୧ ତାରିଖରେ ଏହି ଫିଲ୍ମର ଟ୍ରେଲର ରିଲିଜ୍ ହୋଇଛି । ଏହି ଫିଲ୍ମ ଆସନ୍ତା ୭ ତାରିଖରେ ରିଲିଜ ହେବ । ଏହାକୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରି ରହିଛନ୍ତି । ଫିଲ୍ମ ରିଲିଜ୍ ପୂର୍ବରୁ ରବିବାର ପ୍ରଶଂସକଙ୍କ ସହ ଯୋଗାଯୋଗ କରିବାକୁ ସୋସିଆଲ ମିଡିଆରେ ହାଜର ହୋଇଥିଲେ ଶାହାରୁଖ । ସବୁଥର ପରି, ଏଥର ମଧ୍ୟ ସେ ଏଏସ୍କେ ଏସ୍ଆରକେ କାର୍ଯ୍ୟକ୍ରମ ରଖିଥିଲେ । ଏହି ସମୟରେ ସେ ପ୍ରଶଂସକଙ୍କ ପ୍ରଶ୍ନର ସିଧାସଳଖ ଉତ୍ତର ରଖିଥିଲେ ।
ପ୍ରାୟ ୧୫ ମିନିଟ୍ର ଏହି ପ୍ରଶ୍ନୋତ୍ତରରେ ଅନେକ ପ୍ରଶଂସକ ଶାହାରୁଖଙ୍କୁ ପ୍ରଶ୍ନ ପଚାରିଥିଲେ । ଯାହାର ଉତ୍ତର ସେ ନିଆରା ଢଙ୍ଗରେ ଦେଇଥିଲେ । ଜଣେ ପ୍ରଶଂସକ ତାଙ୍କୁ ପଚାରିଥିଲେ, ତୁମେ ମୋ ପ୍ରେମିକା ପାଇଁ ମାଗଣା ‘ଯବାନ’ ଟିକେଟ ଦେଇ ପାରିବ କି? ମୁଁ ଜଣେ ବେକାରୀ ପ୍ରେମିକ । ଶାହାରୁଖ ଏହି ପ୍ରଶଂସକଙ୍କୁ ମଜାଳିଆ ଢଙ୍ଗରେ ଉତ୍ତର ଦେଇଥିଲେ । କହିଥିଲେ ଯେ, ମୋତେ ମୁକ୍ତ କର ରୋମାନ୍ସ ପ୍ରସଙ୍ଗରେ ଶସ୍ତା ହୁଅନ୍ତୁ ନାହିଁ । ଟିକେଟ କିଣ ଏବଂ ତୁମ ପ୍ରେମିକାଙ୍କୁ ସାଙ୍ଗରେ ନେଇଯାଅ ।
Comments are closed.