ଅହମ୍ମଦାବାଦ: ଭାରତକୁ ହରାଇ ଅଷ୍ଟ୍ରେଲିଆ ଦିନିକିଆ ବିଶ୍ୱକପ କ୍ରିକେଟରେ ଷଷ୍ଠ ଥର ପାଇଁ ଚାମ୍ପିୟନ ହୋଇଛି । ଭାରତୀୟ ଶିବିରରେ ଦୁଃଖର ପରିବେଶ ଥିବା ବେଳେ ଅଷ୍ଟ୍ରେଲିଆ ବିଜୟ ଉତ୍ସବ ମନାଇବାରେ ବ୍ୟସ୍ତ । ଏହି ଅବସରରେ ସେମାନେ ବିଶ୍ୱକପ ଟ୍ରଫିକୁ ଅସମ୍ମାନ କରିବାକୁ ପଛାଇ ନାହାନ୍ତି । ଏ ନେଇ ଏକ ଫଟୋ ଭାଇରାଲ ହେବାରେ ଲାଗିଛି । ଏଥିରେ ମିଚେଲ ମାର୍ଶ ବିଶ୍ୱକପ ଟ୍ରଫି ଉପରେ ଗୋଡ ଥୋଇଛନ୍ତି । ଏହି ଫଟୋର ସତ୍ୟତା ଅବଶ୍ୟ ଆମେ ପୃଷ୍ଟି କରୁ ନାହୁଁ । ତେବେ ଏ ନେଇ କ୍ରିକେଟ ପ୍ରଶଂସକ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ସେମାନେ ଏହାକୁ ଆଦୌ ଗ୍ରହଣ କରିପାରି ନାହାନ୍ତି । ମାର୍ଶ ୧୫ ରନ କରି ପ୍ୟାଭିଲିୟନ ଫେରିଥିଲେ ।
ଫାଇନାଲରେ କିଛି ଖାସ କରି ନ ଥିବା ମାର୍ଶଙ୍କ ମନୋବୃତି ଯଦି ଏ ଭଳି ତେବେ ସେ ଯଦି ବଡ ଇନିଂସ ଖେଳିଥାନ୍ତେ ତାହାହେଲ କଣ କରିଥାନ୍ତେ ଆମେ ଚିନ୍ତା କରିପାରୁ ନାହୁଁ ବୋଲି ଜଣେ ୟୁଜର୍ସ ଲେଖିଛନ୍ତି । ସେହିପରି ସଚିନ ତେନ୍ଦୁଲକର ବିଶ୍ୱକପ ଟ୍ରଫିକୁ ଚୁମ୍ବନ କରୁଥିବା ଫଟୋ ଶେୟାର କରି ଅନ୍ୟ ୟୁଜର୍ସ ଲେଖିଛନ୍ତି କିଛି ଶିଖ ?
Comments are closed.