ନୂଆଦିଲ୍ଲୀ: କେନ୍ଦ୍ର ସରକାରଙ୍କ ସହ ଆଲୋଚନା କରିବାକୁ ରାଜି ନହେବା ପରେ ପଞ୍ଜାବର ବିରୋଧୀ କୃଷକମାନେ ଆଜି ଦିଲ୍ଲୀ ଯିବାକୁ ପ୍ରସ୍ତୁତ ହୋଇଛନ୍ତି । ଚାଷୀଙ୍କ ବିରୋଧକୁ ଦୃଷ୍ଟିରେ ରଖି ଦିଲ୍ଲୀ ପୋଲିସ ସୁରକ୍ଷା ବ୍ୟବସ୍ଥାକୁ କଡାକଡି କରିଛି। କୃଷକଙ୍କ ଆନ୍ଦୋଳନକୁ ଦୃଷ୍ଟିରେ ରଖି ଦିଲ୍ଲୀ-ୟୁପିର ଗାଜିପୁର ସୀମାରେ ରାତା ରାତି କଂକ୍ରିଟ କାନ୍ଥ ନିର୍ମାଣ କରି ରାସ୍ତା ଅବରୋଧ କରାଯାଇଛି, ଯାହାଦ୍ୱାରା କେହି ସୀମା ପାର ହୋଇ ପାରିବେ ନାହିଁ।
ଗାଜିପୁର ସୀମା ନିକଟରେ ମେରୁଟ-ଦିଲ୍ଲୀ NH୯ ରୁଟ ବନ୍ଦ ରହିଛି । ସେହିପରି ଗାଜିପୁର ସୀମାରେ ଥିବା ଦିଲ୍ଲୀ-ମେରୁଟ ଏକ୍ସପ୍ରେସୱେ୍ର ମେଟ୍ରୋକୁ ସିଲ୍ କରାଯାଇ ଯାତାୟତକୁ ସମ୍ପୂର୍ଣ୍ଣ ଭାବେ ବନ୍ଦ କରାଯାଇଛି । କେବଳ ଲୁହା ଏବଂ ସିମେଣ୍ଟର ବ୍ୟାରିକେଡିଂ କରାଯାଇ ନାହିଁ, ବରଂ ରାତାରାତି ଏକ କଂକ୍ରିଟ କାନ୍ଥ ନିର୍ମାଣ କରାଯାଇଛି | ସବୁ ସ୍ଥାନରେ ପୋଲିସ ଏବଂ ସୁରକ୍ଷା କର୍ମୀଙ୍କୁ ନିୟୋଜିତ କରାଯାଇଛି ।
ଆପଣଙ୍କୁ କହିରଖୁଛୁ ଯେ, ଫସଲର ସର୍ବନିମ୍ନ ସହାୟତା ମୂଲ୍ୟ ଉପରେ ଆଇନ ପ୍ରଣୟନ କରିବା ସହିତ ବିଭିନ୍ନ ଦାବି ପାଇଁ କେନ୍ଦ୍ର ସରକାରଙ୍କ ଉପରେ ଚାପ ପ୍ରୟୋଗ କରିବାକୁ କୃଷକମାନେ ‘ଦିଲ୍ଲୀ ଚାଲୋ’ ପଦଯାତ୍ରା ଆହ୍ଵାନ ଦେଇଛନ୍ତି। ଅନ୍ୟପକ୍ଷରେ କୃଷକଙ୍କ ଆନ୍ଦୋଳନକୁ ରୋକିବା ପାଇଁ କେନ୍ଦ୍ର ସରକାର ସମସ୍ତ ପ୍ରକାର ଉଦ୍ୟମ କରୁଛନ୍ତି। କୃଷକମାନେ ଧୀରେ ଧୀରେ ରାଜଧାନୀ ଦିଲ୍ଲୀ ଅଭିମୁଖେ ଯାତ୍ରା କରିବାକୁ ପ୍ରସ୍ତୁତ ହେଉଛନ୍ତି। ପ୍ରଶାସନ ଦ୍ୱାରା ସମଗ୍ର ଦିଲ୍ଲୀକୁ ସୁରକ୍ଷା ବଳୟ ଭିତରେ ରଖାଯାଇଛି । ପ୍ରତ୍ୟେକ କୋଣ ଅନୁକୋଣରେ ପୋଲିସ ଫୋର୍ସ ମୁତୟନ କରାଯାଇଛି ଏବଂ ସୀମାକୁ ସିଲ୍ କରାଯାଇଛି।
କୃଷକଙ୍କ ବିରୋଧକୁ ଦୃଷ୍ଟିରେ ରଖି ଦିଲ୍ଲୀରେ ମାର୍ଚ୍ଚ ୧୨ ପର୍ଯ୍ୟନ୍ତ ସମସ୍ତ ବଡ ସମାବେଶ ଉପରେ ପ୍ରତିବନ୍ଧକ ଲଗାଯାଇଛି। ରାଜଧାନୀରେ ଦିଲ୍ଲୀ ପୋଲିସ ଧାରା ୧୪୪ ଲାଗୁ କରିଛି। କୃଷକ ପଦଯାତ୍ରାକୁ ଦୃଷ୍ଟିରେ ରଖି ଦିଲ୍ଲୀ ପୋଲିସ ମଧ୍ୟ ଟ୍ରାଫିକ ନିୟମ ଜାରି କରିଛି ଯେଉଁଥିରେ ଦିଲ୍ଲୀର ତିନି ସୀମାରେ ଯାନବାହାନ ଚଳାଚଳ ଉପରେ ପ୍ରତିବନ୍ଧକ ସମ୍ପର୍କରେ ଯାତ୍ରୀମାନଙ୍କୁ ସଚେତନ କରାଯାଇଛି। ଦିଲ୍ଲୀ ସହ ସଂଯୁକ୍ତ ନୋଏଡା ଏବଂ ଗୁରୁଗ୍ରାମ ପାଇଁ ମଧ୍ୟ ନିୟମ ଜାରି କରାଯାଇଛି। ନୋଏଡା ପୋଲିସ ପକ୍ଷରୁ କୁହାଯାଇଛି ଯେ ଗୌତମ ବୁଦ୍ଧ ନଗରରୁ ଦିଲ୍ଲୀର ସମସ୍ତ ସୀମାରେ ପ୍ରତିବନ୍ଧକ ଲଗାଇ ଦିଲ୍ଲୀ ପୋଲିସ ଏବଂ ଗୌତମ ବୁଦ୍ଧ ନଗର ପୋଲିସ ଦ୍ଵାରା ବ୍ୟାରିକେଡ୍ ଲଗାଇ ତୀବ୍ର ଯାଞ୍ଚ କରାଯିବ। ସେଥିପାଇଁ ଗୌତମ ବୁଦ୍ଧ ନଗରୁ ଦିଲ୍ଲୀ ସୀମା ପର୍ଯ୍ୟନ୍ତ ଯାତାୟତ ବଢିବା । ସେହି ଅନୁଯାୟୀ ଟ୍ରାଫିକ୍ ଡାଇଭର୍ସନ କରାଯିବ।
Comments are closed.