ଆଉ ତିନି ଦିନ ପରେ ଅଣ୍ଡର-୧୭ ପିଫା ମହିଳା ବିଶ୍ବକପ୍
ଅଭ୍ୟାସ ପଡ଼ିଆ ପ୍ରସ୍ତୁତ, ବିଭିନ୍ନ ଦେଶର ଖେଳାଳି କରୁଛନ୍ତି ଅଭ୍ୟାସ
ଭୁବନେଶ୍ବର: ଫୁଟବଲ୍ ବିଶ୍ବକପ ପାଇଁ ବିଶ୍ୱର ଶ୍ରେଷ୍ଠ ଟିମଗୁଡ଼ିକ ରାଜଧାନୀରେ ପହଁଚିଥିବା ବେଳେ ଭୁବନେଶ୍ବରରେ ଖେଳାଳିଙ୍କ ପ୍ରାକ୍ଟିସ ପାଇଁ ନୂଆ ଷ୍ଟାଡିୟମ ମଧ୍ୟ ପ୍ରସ୍ତୁତି ସରିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏନେଇ ଟୁଇଟ କରି ଖୁସି ପ୍ରକଟ କରିଛନ୍ତି । ଏହି ବିଶ୍ବସ୍ତରୀୟ ଷ୍ଟାଡିୟମ ଖେଳାଳିଙ୍କୁ ପ୍ରାକ୍ଟିସ କରିବା ପାଇଁ ସହାୟକ ହେବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ସମସ୍ତ ଟିମ୍ କୁ ଏନେଇ ଶୁଭେଚ୍ଛା ଜଣାଇଛନ୍ତି ।
Training sites at the #Odisha Football Academy in #Bhubaneswar are ready for FIFA U-17 #WomensWorldCup. I am sure the participating teams will love the world-class amenities here. Wish the teams all the best. #OdishaForSports #U17WWC pic.twitter.com/9B2etjPC1Y
— Naveen Patnaik (@Naveen_Odisha) October 7, 2022
ଉଦଘାଟନୀ ମ୍ୟାଚ ସହ କଳିଙ୍ଗ ଷ୍ଟାଡିୟମରେ ୬ଟି ମ୍ୟାଚ ଖେଳାଯିବ ଏବଂ ବାକି ମ୍ୟାଚ ଗୋଆ ଓ ମୁମ୍ବାଇରେ ଖେଳାଯିବ । କଳିଙ୍ଗ ଷ୍ଟାଡ଼ିୟମ ବାହାରେ ଏହି ଅଭ୍ୟାସ ପଡ଼ିଆରେ ବିଭିନ୍ନ ଟିମ ପହଞ୍ଚି ଜୋରଦାର ଅଭ୍ୟାସ ଆରମ୍ଭ କରିଛନ୍ତି ।
ସେପଟେ ବିଭିନ୍ନ ଓ୍ବାଲରେ ବିଶ୍ବକପ ଥିମ ଥିବା ଆର୍ଟ, ବ୍ୟାନର ଓ ଫ୍ଲେକ୍ସ ସହ ସୁନ୍ଦର ଲାଗୁଛି ଭୁବନେଶ୍ବର । ଚଳିତ ମାସ ୧୧ରୁ ଭୁବନେଶ୍ବର କଳିଙ୍ଗ ଷ୍ଟାଡିୟମରେ ଅଣ୍ଡର-୧୭ ପିଫା ମହିଳା ବିଶ୍ବକପ ଆରମ୍ଭ ହେଉଛି । ପ୍ରଥମ ଥର ପାଇଁ ରାଜଧାନୀରେ ପିଫା ବିଶ୍ବକପ ଖେଳାଯିବାକୁ ଯାଉଥିବା ବେଳେ ଖେଳାଳିଙ୍କ ପାଇଁ ସମସ୍ତ ସୁବିଧା ମଧ୍ୟ କରାଯାଇଛି । ଏହାସହ ବିଭିନ୍ନ ଦଳକୁ ସ୍ୱାଗତ ପାଇଁ ସେଭେନଥ୍ ବାଟାଲିୟନଠାରୁ ବିମାନବନ୍ଦର ପର୍ଯ୍ୟନ୍ତ ଫିଫାର ଲୋଗୋ ସାଙ୍ଗକୁ ବିଭିନ୍ନ ଦଳର ଖେଳାଳିଙ୍କ ବ୍ୟାନର ଦେଖିବାକୁ ମିଳିଛି ।
Team India sweat it out in Bhubaneswar ahead of the FIFA U-17 Women's World Cup India 2022.#KickOffTheDream #U17WWC pic.twitter.com/0II5dKfe30
— Odisha Sports (@sports_odisha) October 7, 2022
ଉଦଘାଟନୀ ମ୍ୟାଚରେ ୟୁଏସଏକୁ ଭେଟିବ ଭାରତ । ରାତି ୮ଟାରେ ଖେଳାଯିବ ମ୍ୟାଚ । ଏଥିପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି । ତେବେ ଭାରତୀୟ ଟିମରେ ଓଡ଼ିଶାରୁ କୈାଣସି ଖେଳାଳି ସ୍ଥାନ ପାଇନାହାଁନ୍ତି ।