ମୁମ୍ବାଇ: ଡିସେମ୍ବର ୬ରେ ରିଲିଜ ହେବାକୁ ଯାଉଛି ଦକ୍ଷିଣର ସୁପରଷ୍ଟାର ହିରୋ ଅଲ୍ଲୁ ଅର୍ଜୁନଙ୍କ ଫିଲ୍ମ ପୁଷ୍ପା-୨ । ସେହି ଦିନ ବିକି କୌଶଲଙ୍କ ଅଭିନୀତ ଫିଲ୍ମ ‘ଛାଭା’ ରିଲିଜ ହେବାର ଥିଲା । ଉଭୟ ଚଳଚ୍ଚିତ୍ରର ବକ୍ସ ଅଫିସରେ ଫାଇଟ୍ ମଧ୍ୟ ଦେଖିବାକୁ ମିଳିଥାନ୍ତା । କିନ୍ତୁ ବର୍ତ୍ତମାନ ବିକି କୌଶଲଙ୍କ ଅଭିନୀତ ଚଳଚ୍ଚିତ୍ର ‘ଛାବା’ର ରିଲିଜ୍ ତାରିଖକୁ ଘୁଞ୍ଚାଇ ଦିଆଯାଇଛି ।
ଛାବା ବର୍ତ୍ତମାନ ଚଳିତ ବର୍ଷ ୬ ଡିସେମ୍ବର ପରିବର୍ତ୍ତେ ଆସନ୍ତା ଫେବୃଆରୀ ୧୪ ରେ ରିଲିଜ ହେବ ।
ଟ୍ରେଣ୍ଡ ଆନାଲିଷ୍ଟ ତଥା ଚଳଚ୍ଚିତ୍ର ସମୀକ୍ଷକ ତରଣ ଆଦର୍ଶ ତାଙ୍କ ଅଫିସିଆଲ ହ୍ୟାଣ୍ଡେଲରେ ଏକ ପୋଷ୍ଟ ସେୟାର କରିବା ପରେ ସୋସିଆଲ ମିଡିଆରେ ଏହାର ସ୍ଥଗିତ ହେବାର ଖବର ଟ୍ରେଣ୍ଡ ହୋଇଥିଲା । ତରଣ ଆଦର୍ଶ ତାଙ୍କ ଏକ୍ସ ରେ ଲେଖିଥିଲେ ଯେ, ଛାବା ବର୍ତ୍ତମାନ ୧୪ ଫେବୃଆରୀ ୨୦୨୫ ରେ ରିଲିଜ ପାଇଁ ସ୍ଥିର ହୋଇଛି । ରିଲିଜ୍ ତାରିଖ ବିଶେଷ ମହତ୍ବ ରହିଛି କରାଣ ୧୯ ଫେବୃଆରୀ ୨୦୨୫ ରେ ଛତ୍ରପତି ଶିବାଜୀ ମହାରାଜ ଜୟନ୍ତୀଙ୍କ ସହ ମେଳ ଖାଉଛି ।
ଏହି ଐତିହାସିକ ଫିଲ୍ମର ଏକ ବିଶେଷ ମହତ୍ତ୍ବ ରହିଛି । ଏହି ଫିଲ୍ମ ଛତ୍ରପତି ଶିବାଜୀ ମହାରାଜଙ୍କ ପୁଅ ଛତ୍ରପତି ସଂମ୍ଭାଜୀ ମହାରାଜଙ୍କ ଉପରେ ଆଧାରିତ । ଲକ୍ଷ୍ମଣ ଉତେକରଙ୍କ ଦ୍ୱାରା ନିର୍ଦ୍ଦେଶିତ ଏବଂ ଦୀନେଶ ବିଜାନଙ୍କ ଦ୍ୱାରା ନିର୍ମିତ ଏହି ଛାବା ବିକି କୌଶଲଙ୍କୁ ଛତ୍ରପତି ସଂମ୍ଭାଜୀ ମହାରାଜ ଏବଂ ଅକ୍ଷୟ ଖନ୍ନା ମୋଗଲ ସମ୍ରାଟ ଔରଙ୍ଗଜେବଙ୍କ ଭୂମିକାରେ ଅଭିନୟ କରିଛନ୍ତି । ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ରଶ୍ମିକା ମନ୍ଦାନା ମଧ୍ୟ ଅଭିନୟ କରିଛନ୍ତି । ·