ନୂଆଦିଲ୍ଲୀ: କରୋନା ପରେ ଅନେକ ବିଗ୍ ବଜେଟ୍ ମୁଭି ମୁକ୍ତିଲାଭ ଅପେକ୍ଷାରେ ରହିଛି। ଅନେକଙ୍କ ସୁଟିଂ ଚାଲିଛି ଏବଂ ଅନେକ ରିଲିଜ ପାଇଁ ପ୍ରସ୍ତୁତ ମଧ୍ୟ ହେଉଛନ୍ତି। ଏସବୁ ମଧ୍ୟରେ ଅକ୍ଷୟ କୁମାରଙ୍କ ଅଭିନୀତ ମୁଭି ସୂର୍ଯ୍ୟବଂଶୀ ନିକଟରେ ରିଲିଜ୍ ହୋଇଛି। ଫିଲ୍ମକୁ ଚର୍ଚ୍ଚା ମଧ୍ୟ ଜୋର ଧରିଛି। ଏହି ଚଳଚ୍ଚିତ୍ରଟି ମିଶ୍ରିତ ସମୀକ୍ଷା ପାଇଛି। ଗୋଟିଏ ପଟେ ଫିଲ୍ମ ବକ୍ସ ଅଫିସରେ ଭଲ ରୋଜଗାର କରୁଥିବାବେଳେ ଅନ୍ୟ ପଟେ ପଞ୍ଜାବର ଚାଷୀଙ୍କ ବିରୋଧର ସମ୍ମୁଖୀନ ହୋଇଛି। ଏହି ଚଳଚ୍ଚିତ୍ରର ସ୍କ୍ରିନିଂ ବିରୋଧରେ ଜବରଦସ୍ତ ବିରୋଧ ପ୍ରଦର୍ଶନ କରାଯାଇଛି।
ଅକ୍ଷୟ କୁମାରଙ୍କ ଫିଲ୍ମ ‘ସୂର୍ଯ୍ୟବଂଶୀ ‘ ବକ୍ସ ଅଫିସରେ ବହୁତ ଭଲ ପ୍ରଦର୍ଶନ କରୁଛି। ରିପୋର୍ଟ ଅନୁଯାୟୀ ପଞ୍ଜାବର ହୋଶିଆରପୁର ଜିଲ୍ଲାରେ ଏହି ଚଳଚ୍ଚିତ୍ର ବିରୋଧରେ କୃଷକମାନେ ବିରୋଧ ପ୍ରଦର୍ଶନ କରୁଛନ୍ତି। ରୋହିତ ଶେଟ୍ଟୀଙ୍କ ଫିଲ୍ମର ସ୍କ୍ରିନିଂ କୃଷକଙ୍କ ପ୍ରଦର୍ଶନ ଯୋଗୁଁ କଷ୍ଟସାଧ୍ୟ ହୋଇପଡିଛି। କୃଷି ବିଲ୍ ବିରୋଧରେ ଅକ୍ଷୟ କୁମାର ସେମାନଙ୍କୁ ସମର୍ଥନ କରିନଥିବାରୁ କୃଷକମାନେ କ୍ରୋଧିତ ହୋଇଥିବା ଜଣାପଡ଼ିଛି। ବର୍ତ୍ତମାନ କ୍ରୋଧିତ କୃଷକମାନେ ଅକ୍ଷୟଙ୍କ ଏହି ବହୁ ପ୍ରତୀକ୍ଷିତ ଚଳଚ୍ଚିତ୍ର ରିଲିଜକୁ ବିରୋଧ କରୁଥିବା ଦେଖିବାକୁ ମିଳିଛି।
Comments are closed.