ମେ’ ୧୫ ଯାଏଁ ବଢ଼ିଲା ଗାଡି ଓ ସ୍ୱାସ୍ଥ୍ୟ ବୀମା ଅବଧି

ନୂଆଦିଲ୍ଲୀ: ମେ’ ୧୫ ତାରିଖ ପର୍ଯ୍ୟନ୍ତ ବଢ଼ିଲା ଗାଡ଼ି ଏବଂ ସ୍ୱାସ୍ଥ୍ୟ ବୀମା ଅବଧି। କେନ୍ଦ୍ର ଅର୍ଥମନ୍ତ୍ରଣାଳୟ ପକ୍ଷରୁ ଏହି ନିଷ୍ପତ୍ତି ନିଆଯାଇଛି। ଏହାକୁ ବର୍ତ୍ତମାନ ମେ’ ୧୫ ଯାଏ ବୃଦ୍ଧି କରାଯାଇଛି। ପୂର୍ବରୁ ଏହା ଏପ୍ରିଲ ୨୧ ଯାଏ ବୃଦ୍ଧି ପାଇଥିଲା।
ତେବେ କେବଳ ମୋଟର ଥାର୍ଡ ପାର୍ଟି ପାଇଁ ଏହି ସମୟ ସୀମା ଅବଧି ପ୍ରଯୁଜ୍ୟ ହେବ। ଏହା ଓନ୍‌ଡ ବ୍ୟକ୍ତିଗତ ଦୁର୍ଘଟଣା ପାଇଁ ଲାଗୁହେବନି। ଆଇଆରଡିଏଆଇ ଅଧିକାରୀଙ୍କ କହିବା ଅନୁଯାୟୀ, ବୃଦ୍ଧି ପାଇଥିବା ଅବଧି ଏବଂ ବୈଧତା ମୋଟର ଥାର୍ଡ ପାର୍ଟି କମ୍ପୋନେଣ୍ଟ ପାଇଁ ଲାଗୁ ହେବ।
ମାର୍ଚ୍ଚ ୨୫ରୁ ମେ ୩ ତାରିଖ ମଧ୍ୟରେ ଯେଉଁମାନଙ୍କ ପଲିସି ଅବଧି ସରୁଛି ସେମାନଙ୍କ ପାଇଁ ଏହି ସମୟ ସୀମା କୋହଳ କରାଯାଇଛି।