ବାଲେଶ୍ୱର: ବାଲେଶ୍ୱରର ନୀଳଗିରିସ୍ଥିତ ଏକ ଉଚ୍ଚ ବିଦ୍ୟାଳୟର ମାଟ୍ରିକ୍ ହବ୍ ସେଣ୍ଟରରେ ଗତକାଲି ବିଳମ୍ବିତ ରାତିରେ କୌଣସି କାରଣବଶତଃ ଅଗ୍ନିକାଣ୍ଡ ଘଟିଛି ।
ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚିବା ସହ ନିଆଁକୁ ଆୟତ୍ତ କରିଥିଲେ ।
ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ ନୀଳଗିରିର କୈଳାଶ ଚନ୍ଦ୍ର ଉଚ୍ଚ ବିଦ୍ୟାଳୟରେ ହବ୍ ସେଣ୍ଟର କରାଯାଇ ନୀଳଗିରି ବ୍ଲକ ଓ ଆଖାପାଖ ଅଞ୍ଚଳରରେ ଥିବା ବିଦ୍ୟାଳୟ ଗୁଡିକ ପାଇଁ ମାଟ୍ରିକ୍ ପ୍ରଶ୍ନପତ୍ର ରଖାଯାଇଥିଲା ।
ଉକ୍ତ ହବରେ ମାଟ୍ରିକ୍ ପରୀକ୍ଷା ପ୍ରଶ୍ନପତ୍ର ରଖାଯାଇଥିବା ବେଳେ ଏଭଳି ଅଗ୍ନିକାଣ୍ଡ ଯୋଗୁଁ ସାଧାରଣରେ ଉତ୍ତେଜନା ଦେଖାଦେଇଛି । ତେବେ ଏହାଫଳରେ ବୈଦ୍ୟୁତିକ ଉପକରଣ ସହ ବହୁ ଗୁରୁତ୍ୱପୂର୍ଣ୍ଣ କାଗଜ ପତ୍ର ପୋଡି ଯାଇଥିବା ନେଇ ସୁତ୍ରରୁ ପ୍ରକାଶ ।
ତେବେ ନିଆଁ ଲାଗିବାର ସଠିକ୍ ଜଣାପଡିନଥିବା ବେଳେ ସର୍ଟସର୍କିଟ୍ ଯୋଗୁଁ ଏହି ଅଗ୍ନିକାଣ୍ଡ ଘଟିଥିବା ନେଇ ଅଗ୍ନିଶମ କର୍ମଚାରୀମାନେ ଅନୁମାନ କରିଛନ୍ତି ।
Comments are closed.