ମୁମ୍ବାଇ: ବଲିଉଡର ଜଣାଶୁଣା ଅଭିନେତ୍ରୀ ପୁନମ ପାଣ୍ଡେଙ୍କ ଘରେ ଅଗ୍ନିକାଣ୍ଡ ହୋଇଛି । ଫଳରେ ପୁନମଙ୍କ ଘରେ ବ୍ୟାପକ କ୍ଷୟକ୍ଷତି ହୋଇଛି । ଘରେ ଥିବା କୁକୁର ଓ ଚାକର ବର୍ତ୍ତି ଯାଇଛନ୍ତି । ଏହି ସମୟରେ କୌଣସି କାମରେ ପୁନମ ବାହାରକୁ ଯାଇଥିବାରୁ ସେ ବି ବର୍ତ୍ତି ଯାଇଥିବା କୁହାଯାଇଛି । ଅଗ୍ନିକାଣ୍ଡର କାରଣ ଜଣାପଡ଼ିନାହିଁ ।
ଅଭିନେତ୍ରୀ ପୁନମ ମୁମ୍ବାଇରେ ଏକ ଆପାର୍ଟମେଣ୍ଟରେ ୧୬ତମ ମହଲାରେ ରୁହନ୍ତି । ନିଆଁ ଲାଗିବା ସମୟରେ ପୁନମ ଜରୁରୀ କାମରେ ଘରୁ ବାହାରକୁ ଯାଇଥିବା ବେଳେ ଘରେ ତାଙ୍କ ଚାକର ଓ ପୋଷାକୁକୁର ଥିଲେ । ଏହି ଅଗ୍ନିକାଣ୍ଡରେ ପୁନମଙ୍କ ଘରର ଅନେକ ଦାମୀ ଆସବାବପତ୍ର ଜଳି ନଷ୍ଟ ହୋଇଯାଇଛି । ତେବେ ନିଆଁ ଲାଗିବା ଜାଣିବା ପରେ ପୁନମଙ୍କ ଚାକର କୁକୁରକୁ ଧରି ବାହାରକୁ ଚାଲି ଆସିଥିଲେ । ପରେ ଅଗ୍ନିକାଣ୍ଡ ସମ୍ପର୍କରେ ସୁରକ୍ଷାକର୍ମୀଙ୍କୁ ଫୋନ କରି ଜଣାଇଥିଲେ । ସୁରକ୍ଷାକର୍ମୀ ତୁରନ୍ତ ଅଗ୍ନିଶମ ବିଭାଗକୁ ଏନେଇ ଖବର ଦେଇଥିଲେ । ଅଗ୍ନିଶମ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ।
Comments are closed.