ପୁରୀ: ଲକ୍ଷ୍ମୀ ମାର୍କେଟ କମ୍ପେ୍ଲକ୍ସରେ ଅଗ୍ନିକାଣ୍ଡ ପରେ ଶୁକ୍ରବାର ପୁରୀର ଆଉ ଏକ ମାର୍କେଟ କମ୍ପେ୍ଲକ୍ସରେ ଅଗ୍ନିକାଣ୍ଡ ଘଟିଛି । ମିଳିଥିବା ସୂଚନା ଅନଯାୟୀ, ଲକ୍ଷ୍ମୀ ମାର୍କେଟ୍ କମ୍ପେ୍ଲକ୍ସଠାରୁ ମାତ୍ର ୫୦ ମିଟର ଦୂରରେ ଥିବା ନୀଳାଦ୍ରି କମ୍ପେ୍ଲକ୍ସରେ ଥିବା ଓଡ଼ିଶା ହ୍ୟାଣ୍ଡଲୁମ୍ ଶୋ’ରୁମରେ ୩ ଦିନ ପରେ ଭୟାବହ ଅଗ୍ନିକାଣ୍ଡ ଘଟିଛି ।
ନୀଳାଦ୍ରି କମ୍ପେ୍ଲକ୍ସରେ ନିଆଁ ଲାଗିବା ଖବର ପାଇବା ମାତ୍ରେ ଦମକଳ ବାହିନୀ ନିଆଁକୁ ଆୟତ କରିବା ସହ ଅଳ୍ପ ସମୟ ମଧ୍ୟରେ ନିଆଁକୁ ଆୟତ କରିଥିଲେ । ସର୍ଟସର୍କିଟ ଯୋଗୁ ଏହି ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି ।
ପୁରୀ ଏସପି କନୱର ବିଶାଲ ସିଂହ କହିଛନ୍ତି, “ଏହା ଏକ ଛୋଟ ଘଟଣା । ଏଥିରେ ଭୟଭୀତ ହେବାର କୌଣସି ଆବଶ୍ୟକତା ନାହିଁ । ସେଠାରେ ଏକ ଛୋଟ ସର୍ଟ ସର୍କିଟ୍ ହେବା ପରେ ସେମାନେ ଅଗ୍ନିଶମ ବିଭାଗକୁ ଫୋନ୍ କରିଥିଲେ । ପରେ ନିଆଁକୁ ଆୟତ କରାଯାଇଥିଲ।। ଏଥିରେ କୌଣସି ସମ୍ପତ୍ତି କ୍ଷତି ହୋଇନି ।
ଅଗ୍ନିଶମ ବିଭାଗ ପକ୍ଷରୁ ଦୋକାନର ଅଗ୍ନି ନିରାପତ୍ତ।। ବ୍ୟବସ୍ଥାକୁ ଅନୁଧ୍ୟାନ କରାଯାଉଛି ଏବଂ କିଛି ସମୟ ପରେ ବିସ୍ତୃତ ରିପୋର୍ଟ ଆସିବ ବୋଲି ସେ କହିଛନ୍ତି ।
ସୂଚନାଯୋଗ୍ୟ, ତୀର୍ଥନଗରୀ ପୁରୀର ଲକ୍ଷ୍ମୀ ମାର୍କେଟ କମ୍ପେ୍ଲକ୍ସରେ ବୁଧବାର ରାତିରେ ଭୟାବହ ଅଗ୍ନିକାଣ୍ଡ ଘଟଥିଲ।। ଯାହା ଶୁକ୍ରବାର ସକାଳେ ସମ୍ପୂର୍ଣ୍ଣ ଭାବେ ଆୟତ ହୋଇଥିଲା। ଏଥିରେ ୪୦ରୁ ଊର୍ଦ୍ଧ୍ୱ ଦୋକାନ ପୋଡ଼ି ପାଉଁଶ ହୋଇଯାଇଛିା କିନ୍ତୁ ସୌଭାଗ୍ୟବଶତଃ ଏହି ହୋଟେଲରେ ରହୁଥିବା ୧୫୦ରୁ ଊର୍ଦ୍ଧ୍ୱ ପର୍ଯ୍ୟଟକ ଓ ଦୋକାନରେ ଉପସ୍ଥିତ ୫୦ରୁ ଊର୍ଦ୍ଧ୍ୱ ବ୍ୟକ୍ତି ଅଳ୍ପକେ ବର୍ତିି ଯାଇଛନ୍ତି ।
Comments are closed.