ନୂଆଦିଲ୍ଲୀ: ଏକ ସୋଫା କାରଖାନାରେ ଭୟଙ୍କର ଅଗ୍ନିକାଣ୍ଡ ଘଟି ଜଳିଗଲେ ତିନି ଜଣ ଶ୍ରମିକ । ଏଭଳି ଘଟଣା ଘଟିଛି ଦିଲ୍ଲୀର ଗ୍ରେଟର ନୋଏଡାରେ । ମୃତକ ଶ୍ରମିକମାନେ ହେଲେ ମଥୁରାର ଗୁଲଫାମ (୨୩), ବିହାରର ମଜହର ଆଲାମ (୨୯) ଏବଂ ବିହାରର ଆରାରିଆ ଦିଲଶାଦ (୨୪) ।
ଶ୍ରମିକମାନେ ଶୋଇଥିବା ବେଳେ କାରଖାନାରେ ନିଆଁ ଲାଗିଯିବାରୁ ଏହି ଅଗ୍ନିକାଣ୍ଡ ଘଟିଥିବା ଜଣାପଡିଛି । ନିଆଁଲାଗିଥିବା ନେଇ ଖବର ପାଇବାପରେ ପୋଲିସ ଏବଂ ଅଗ୍ନିଶମ ବାହିନୀ ତୁରନ୍ତ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ । ବହୁ କସରତ ପରେ ନିଆଁକୁ ଆୟତ୍ତ କରିଥିଲା ଅଗ୍ନିଶମ ବାହିନୀ ।
ଉକ୍ତ ତିନି ଜଣ ଶ୍ରମିକଙ୍କୁ ଉଦ୍ଧାର କରିଥିଲା ହେଲେ ସେତବେଳକୁ ସେମାନଙ୍କର ମୃତ୍ୟୁ ଘଟି ସାରିଥିଲା ।
ତେବେ କେଉଁ କାରଣରୁ ସୋଫା ଫ୍ୟାକ୍ଟ୍ରିରେ ନିଆଁ ଲାଗିଲା କାରଣ ଜଣାପଡ଼ିନଥିବାବେଳେ, ସର୍ଟସର୍କିଟ୍ କାରଣରୁ ଏହି ନିଆଁ ଲାଗିଥିବା ସନ୍ଦେହ କରାଯାଉଛି । ପୋଲିସ ତଦନ୍ତ ଆରମ୍ଭ କରିଛି ।