ସୋନପୁର : ଭରା ନଈରେ ଭାସି ଯାଉଥିଲେ ଯୁବକ । ଦୀର୍ଘ ସମୟର ପରଶ୍ରମ ପରେ ହେଲେ ଉଦ୍ଧାର । ସୋନପୁରରେ ଦେଖିବାକୁ ମିଳିଛି ଏଭଳି ଏକ ଘଟଣା । ମହାନଦୀରେ ଭାସି ଯାଉଥିବା ଜଣେ ଯୁବକଙ୍କୁ ଦୀର୍ଘ ୪ ଘଣ୍ଟାର ଅପରେଶନ ପରେ ଉଦ୍ଧାର କରାଯାଇଛି । ତାଙ୍କୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ, ଆଜୁ ମହାନଦୀରେ ଜଣେ ଯୁବକ ଭାସି ଯାଉଥିବା ନେଇ ଖବର ପାଇଥିଲା ସୋନପୁର ଅଗ୍ନିଶମ ବାହିନୀ । ସଙ୍ଗେ ସଙ୍ଗେ ଅଗ୍ନିଶମ ଅଧିକାରୀ ବଳରାମ ପଧାନଙ୍କ ନେତୃତ୍ବରେ ଓ କନେଷ୍ଟବଲ ଦିଲୀପ ଦେହୁରୀଙ୍କ କୌଶଳ କ୍ରମେ ଯୁବକଙ୍କୁ ମହାନଦୀରୁ ଉଦ୍ଧାର କରାଯାଇଥିଲା । ମହାନଦୀ ସେତୁ ଉପରେ ଗୋଟିଏ ଏଟିଏମ, ମୋବାଇଲ, ଚପଲ ଓ ସାଇକେଲ ରଖା ଯାଇଥିବାରୁ ଯୁବକ ଜଣକ ଘରୋଇ କଳିରୁ ଆତ୍ମହତ୍ୟା ପାଇଁ ଭରା ନଇକୁ ଡେଇଁଥିବା ଅନୁମାନ କରାଯାଉଛି । ଯୁବକଙ୍କୁ ଅଟକ ରଖି ପଚରାଉଚରା କରୁଛି ପୋଲିସ । ଯୁବକଙ୍କ ନାଁ ସାରଥୀ ତାଣ୍ଡି ବୋଲି ଜଣାପଡିଛି ।
Comments are closed.