କଟକ: ଗିରଫ ହେଲେ ଜଳେଶ୍ୱର ପୂର୍ବତନ ଆଇଆଇସି ଧନେଶ୍ୱର ସାହୁ । ପୂର୍ବତନ ଆଇଆଇସି ଧନେଶ୍ୱର ସାହୁଙ୍କୁ ଗିରଫ କଲା କ୍ରାଇମବ୍ରାଞ୍ଚ । ନରସିଂହପୁର ବଡ଼ଭୂଇଁ ସ୍ଥିତ ନିଜ ଘରୁ ଗିରଫ କଲା କ୍ରାଇମବ୍ରାଞ୍ଚ । ୩ବର୍ଷ ହେବ ଫେରାର ଥିଲେ ପୋଲିସ ବାବୁ । ବ୍ରାଉନସୁଗାର ଡିଲ୍ କରୁଥିବାର ଅଡିଓ ଭାଇରାଲ ହେବାକୁ ପରେ ଚାକିରିରୁ ବିଦା ହୋଇଥିଲେ ଧନେଶ୍ଵର ।
ସୂଚନା ଅନୁସାର, ୨୦୧୯ ମସିହାରେ ନିଶା କାରବାରରେ ଧରାପଡ଼ି ଜାମିନରେ ବାହାରିବା ଜଣେ ବ୍ରାଉନସୁଗାର ମାଫିଆ ସହ କେଶ୍ ରଫାଦଫା କରିବା ପାଇଁ ପୂର୍ବତନ ଆଇଆଇସି ଧନେଶ୍ୱର ସାହୁ ଡିଲ ଫାଇନାଲ କରୁଥିବାର ଅଡ଼ିଓ ସାମ୍ନାକୁ ଆସିଥିଲା । ଏହାପରେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇ ତାଙ୍କୁ ନିଲମ୍ବିତ କରାଯାଇଥିଲା । ଗିରଫ ଭୟରେ ଧନେଶ୍ଵର ୩ବର୍ଷ ହେବ ଫେରାର ଥିଲେ । ସେବେଠାରୁ ତାଙ୍କୁ ଖୋଜାଖୋଜି କରୁଥିଲା ପୋଲିସ । ଶେଷରେ ଆଜି ନରସିଂହପୁର ବଡ଼ଭୂଇଁ ସ୍ଥିତ ନିଜ ଘରୁ ଧନେଶ୍ଵରକୁ ଗିରଫ କରିଛି କ୍ରାଇମବ୍ରାଞ୍ଚ ଟିମ୍ ।
Comments are closed.