କାଠମାଣ୍ଡୁ: ନେପାଳର ପୂର୍ବତନ ପ୍ରଧାନମନ୍ତ୍ରୀ କେ.ପି ଶର୍ମା ଓଲି କହିଛନ୍ତି ଯେ ନଭେମ୍ବର ୨୦ ନିର୍ବାଚନରେ ଯଦି ତାଙ୍କ ଦଳ କ୍ଷମତାକୁ ଫେରିବ, ତେବେ ଭାରତ ସହ ଯୋଡି ଦାବି କରିଥିବା ହିମାଳୟ ଅଞ୍ଚଳକୁ ସେ ଫେରାଇ ଆଣିବ। ନେପାଳ-ଭାରତ ସୀମା ନିକଟ ଦୂର ପଶ୍ଚିମ ନେପାଳର ଡାର୍କୁଲା ଜିଲ୍ଲାରେ ତାଙ୍କ ଦଳର ଦେଶବ୍ୟାପୀ ନିର୍ବାଚନ ପ୍ରଚାର କରିବା ସମୟରେ ଓଲି ଏପରି କହିଛନ୍ତି।
ଦୁଇ ବର୍ଷ ଧରି ଓଲିଙ୍କ କାର୍ଯ୍ୟକାଳ ମଧ୍ୟରେ ନେପାଳ ସରକାର ଏକ ବିବାଦୀୟ ମାନଚିତ୍ର ଜାରି କରି ଲିପୁଲେଖ, କଳାପାଣି ଏବଂ ଲିମ୍ପିୟାଧୁରାକୁ ନେପାଳର ଅଂଶ ବିଶେଷ ବୋଲି ଦର୍ଶାଇଥିଲେ। ଯାହାକୁ ନେଇ ଭାରତ ଦୃଢ ବିରୋଧ କରିଥିଲା।
ନେପାଳର କମ୍ୟୁନିଷ୍ଟ ପାର୍ଟିର ସଭାପତି କେ.ପି ଶର୍ମା ଓଲି କହିଛନ୍ତି, “ଆମେ କଳାପାଣି ସମେତ ଲିପୁଲେଖ ଏବଂ ଲିମ୍ପିୟାଧୁରାର ଜମି ଫେରାଇ ଆଣିବୁ। ଆମେ ଆମର ଏକ ଇଞ୍ଚ ଜାଗା ମଧ୍ୟ ଭାରତକୁ ଛାଡିବୁ ନାହିଁ। ଓଲି କହିଛନ୍ତି ଯେ ତାଙ୍କ ଦଳ ଦେଶର ସୁରକ୍ଷା ପାଇଁ ପ୍ରତିଶ୍ରୁତିବଦ୍ଧ। ଏହି ସମୟରେ ନେପାଳ କଂଗ୍ରେସ ସଭାପତି ତଥା ପ୍ରଧାନମନ୍ତ୍ରୀ ଶେର ବାହାଦୂର ଦେବା କହିଛନ୍ତି ଯେ କୂଟନୀତିକପଦକ୍ଷେପ ଏବଂ ପାରସ୍ପରିକ ସମ୍ପର୍କ ଆଧାରରେ ନେପାଳର ଜମିକୁ ଫେରାଇ ଆଣିବାକୁ ଉଦ୍ୟମ ଚାଲିଛି।
ତେବେ ପୂର୍ବତନ ପ୍ରଧାନମନ୍ତ୍ରୀ ଡକ୍ଟର ବାବୁରାମ ଓଲିଙ୍କୁ ନିର୍ବାଚନର ଏଜେଣ୍ଡା ନକରିବାକୁ କହିଛନ୍ତି। କୌଣସି ଦଳ କିମ୍ବା ବ୍ୟକ୍ତି ଦେଶର ଆଞ୍ଚଳିକ ଅଖଣ୍ଡତାକୁ ଏକ ନିର୍ବାଚନୀ ଏଜେଣ୍ଡା କରିବା ଉଚିତ୍ ନୁହେଁ। ଓଲିଙ୍କ ନାମ ନ ନେଇ ଅନ୍ୟତମ ପୂର୍ବତନ ପ୍ରଧାନମନ୍ତ୍ରୀ ଏପରି ଟୁଇଟ୍ କରିଛନ୍ତି।
Comments are closed.