Naxalites Surrender: ‘ଲାଲ ଆତଙ୍କ’ଉପରେ ପ୍ରହାର: ୮ଲକ୍ଷ ପୁରସ୍କାର ରାଶି ଥିବା ୪ ମାଓବାଦୀଙ୍କ ଆତ୍ମସମର୍ପଣ
ଛତିଶଗଡ଼:ଛତିଶଗଡ଼ର ନକ୍ସଲ ପ୍ରଭାବିତ ବସ୍ତର ଡିଭିଜନରେ ରାଜ୍ୟ ସରକାରଙ୍କ ‘ନକ୍ସଲମୁକ୍ତ’ ଅଭିଯାନର ଆଉ ଏକ ବଡ଼ ସଫଳତା ହାସଲ କରିଛି । କିସ୍ତାରାମ ଅଞ୍ଚଳରେ ସକ୍ରିୟ ଥିବା ଚାରି ଜଣ ପ୍ରମୁଖ ମାଓବାଦୀ କ୍ୟାଡର ହିଂସା ପରିତ୍ୟାଗ କରି ସମାଜର ମୁଖ୍ୟସ୍ରୋତରେ ସାମିଲ ହେବାକୁ ନିଷ୍ପତ୍ତି ନେଇଛନ୍ତି। ଏହି ଚାରି ଜଣ ମାଓବାଦୀଙ୍କ ମୁଣ୍ଡରେ ୮ଲକ୍ଷ ପୁରସ୍କାର ଘୋଷଣା କରାଯାଇଥିଲା।
ମାଓବାଦୀମାନେ SLR, INSAS, .303, ଏବଂ .315 ରାଇଫଲ୍ ଏବଂ ରାଉଣ୍ଡ ସହିତ ଆତ୍ମସମର୍ପଣ କରିଛନ୍ତି। ଆତ୍ମସମର୍ପଣ କରିଥିବା ମାଓବାଦୀମାନେ ହେଉଛନ୍ତି ଗୋଲ୍ଲାପାଲି LOS କମାଣ୍ଡର ACM ଏବଂ ଦଳର ସଦସ୍ୟ।
ପୋଲିସ ଅଧିକାରୀ କହିଛନ୍ତି ଯେ ଦକ୍ଷିଣ ବସ୍ତର ଡିଭିଜନ ଅନ୍ତର୍ଗତ କୋଣ୍ଟା କିସ୍ତାରାମ ଏରିଆ କମିଟିରେ ସକ୍ରିୟ ମାଓବାଦୀ କ୍ୟାଡରମାନେ ସ୍ୱୟଂଚାଳିତ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ସହିତ “ପୁନା ମାରଗେମ – ପୁନର୍ବାସରୁ ପୁନର୍ଜୀବନ” ଅଭିଯାନ ଦ୍ୱାରା ଅନୁପ୍ରାଣିତ ହୋଇ ଆତ୍ମସମର୍ପଣ କରିଛନ୍ତି । ମାଓବାଦୀମାନେ ବସ୍ତର ରେଞ୍ଜ ଆଇଜି ପି ସୁନ୍ଦରରାଜ ଏବଂ ସୁକମା ପୋଲିସ ଅଧୀକ୍ଷକ କିରଣ ଚଭନଙ୍କ ସମ୍ମୁଖରେ ଆତ୍ମସମର୍ପଣ କରିଥିଲେ ଏବଂ ଛତିଶଗଡ଼ ସରକାରଙ୍କ ଆତ୍ମସମର୍ପଣ ଏବଂ ପୁନର୍ବାସ ନୀତି ଅନୁଯାୟୀ ମୁଖ୍ୟସ୍ରୋତକୁ ଫେରିବାକୁ ନିଷ୍ପତ୍ତି ନେଇଥିଲେ।
ପୋଲିସ ଅଧିକାରୀ କହିଛନ୍ତି ଯେ କିସ୍ତାରାମ ଏବଂ ଗୋଲ୍ଲାପାଲି ଅଞ୍ଚଳରେ ନୂତନ ଭାବରେ ପ୍ରତିଷ୍ଠିତ ସୁରକ୍ଷା ଶିବିର, ସିଧାସଳଖ ସଡ଼କ ସଂଯୋଗ ବୃଦ୍ଧି ଏବଂ ନିରନ୍ତର ପ୍ରଭାବଶାଳୀ ନକ୍ସଲ ବିରୋଧୀ ଅଭିଯାନରେ ସଫଳତା ଯୋଗୁଁ ମାଓବାଦୀଙ୍କ କାର୍ଯ୍ୟକଳାପ ସୀମିତ ହୋଇଛି ।