୩ ମାସ ଯାଏଁ ମାଗଣାରେ ମିଳିବ ଗ୍ୟାସ୍ ସିଲିଣ୍ଡର: କେନ୍ଦ୍ର ଅର୍ଥମନ୍ତ୍ରୀ

ନୂଆଦିଲ୍ଲୀ: କରୋନାକୁ ନେଇ ଏବେ ସାରା ଦେଶ ଲଢ଼େଇ କରୁଥିବା ବେଳେ କେନ୍ଦ୍ର ସରକାର ବଡ ନିଷ୍ପତି ନେଇଛନ୍ତି । ଏଥିପାଇଁ ୧.୭୦ ଲକ୍ଷ କୋଟିର ପ୍ୟାକେଜ ଘୋଷଣା କରିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । ଏହି ପ୍ୟାକେଜରେ ଗରିବ ବିପିଏଲ ପରିବାରଙ୍କୁ ମାଗଣାରେ ଗ୍ୟାସ୍ ଯୋଗଇ ଦେବାକୁ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି ।
ଉଜ୍ୱଳା ଯୋଜନାରେ ବିପିଏଲ୍ ପରିବାରକୁ ଆସନ୍ତା ୩ ମାସ ଯାଏଁ ମାସକୁ ଗୋଟିଏ ଲେଖାଏଁ ସିଲିଣ୍ଡର ମାଗଣାରେ ପାଇବେ । ଉଜ୍ଜଳା ଖାତାରେ ଟଙ୍କା ନଥିଲେ ମଧ୍ୟ ହିତାଧିକାରୀଙ୍କୁ ଗ୍ୟାସ ମିଳିବ । କେନ୍ଦ୍ର ସରକାରଙ୍କ ଏଭଳି ନିଷ୍ପତ୍ତି ଦ୍ୱାରା ୮ କୋଟି ଉଜ୍ଜଳା ହିତାଧିକାରୀ ଲାଭବାନ ହୋଇପାରିବେ ।