ନୂଆଦିଲ୍ଲୀ: ବଲିଉଡ ଅଭିନେତା ଓଲାନୋକିଓଟନ ଗୋଲାବୋ ଲୁକ୍ସଙ୍କ ଦେହାନ୍ତ ହୋଇଛି। ସେ ଫୁକ୍ରେ ଏବଂ ଫୁକ୍ରେ ରିଟର୍ନସ୍ ଚଳଚ୍ଚିତ୍ରରେ ଅଭିନେତ୍ରୀ ରିଚା ଚଡାଙ୍କ ଅଙ୍ଗରକ୍ଷୀ ଭୂମିକାରେ ଅଭିନୟ କରିଥିଲେ। ଏହି ଚଳଚ୍ଚିତ୍ରରେ ଓଲାନୋକିଓଟନ୍ ଗୋଲାବୋ ଲୁକ୍ସଙ୍କ ଚରିତ୍ରର ନାଁ ଥିଲା ବବି। ତାଙ୍କ ମୃତ୍ୟୁକୁ ଫୁକ୍ରେ ଚଳଚ୍ଚିତ୍ର ନିର୍ମାତା ତଥା ବଲିଉଡ ଅଭିନେତା ଫରହାନ ଅଖତର ସୂଚନା ଦେଇଛନ୍ତି।
ସୋସିଆଲ ମିଡିଆ ମାଧ୍ୟମରେ ଓଲାନୋକିଓଟାନ ଗୋଲାବୋ ଲୁକସଙ୍କ ଦେହାନ୍ତ ବିଷୟରେ ଫରହାନ ଅଖତର ସୂଚନା ଦେଇଛନ୍ତି। ସେ ତାଙ୍କ ଅଫିସିଆଲ୍ ଟ୍ୱିଟର ଆକାଉଣ୍ଟରେ ଓଲାନୋକିଓଟାନ୍ ଗୋଲାବୋ ଲୁକସଙ୍କ ଏକ ଫଟୋ ସେୟାର କରିଛନ୍ତି। ଏହି ଚିତ୍ର ସହିତ ସେ ଏକ ଭାବପ୍ରବଣ ଟ୍ୱିଟ ମଧ୍ୟ ଲେଖିଛନ୍ତି। ଫରହାନ ଅଖତର ତାଙ୍କ ଟ୍ୱିଟରେ ଲେଖିଛନ୍ତି, ‘ମୋର ପ୍ରିୟ କାଷ୍ଟ ସଦସ୍ୟ ଓଲାନୋକିଓଟାନ ଗୋଲାବୋ ଲୁକାସଙ୍କ ଦେହାନ୍ତ ହୋଇଛି, ଯିଏ ଫୁକ୍ରେ ଫିଲ୍ମରେ ବବି ଭୂମିକାରେ ଅଭିନୟ କରିଥିଲେ। ତାଙ୍କ ପରିବାର ପ୍ରତି ମୋର ଗଭୀର ସମବେଦନା। ମୁଁ ତୁମକୁ ସବୁବେଳେ ମନେ ରଖିବି। ‘
Comments are closed.