ବାଲି: ଜି-୨୦ ଶିଖର ସମ୍ମିଳନୀର ଆଜି ଦ୍ୱିତୀୟ ଦିନ । ଗୋଟିଏ ପଟେ ପୋଲାଣ୍ଡରେ ରୁଷିଆ ମିଜାଇଲ ମାଡ଼କୁ ନେଇ ସମସ୍ତ ରାଷ୍ଟ୍ରମୁଖ୍ୟ ବ୍ୟସ୍ତବିବ୍ରତ ଅଛନ୍ତି । ଅନ୍ୟପଟେ ସମ୍ମିଳନୀର କାର୍ଯ୍ୟକ୍ରମ ଅନୁସାରେ ଓ୍ୱାର୍ଲ୍ଡ ଲିଡର ମାନେ ବାଲି ହେନ୍ତାଳ ବଣରେ ଚାରା ରୋପଣ କରିଛନ୍ତି । ଜି-୨୦ ସମ୍ମିଳନୀର ସ୍ମୃତି ସୂଚକ ହେନ୍ତାଳ ବଣରେ ଚାରା ରୋପଣ କରିଛନ୍ତି ମୋଦୀଙ୍କ ସମେତ ଅନ୍ୟ ରାଷ୍ଟ୍ରମୁଖ୍ୟମାନେ ।
ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇଣ୍ଡୋନେସିଆ, ସ୍ପେନ, ଫ୍ରାନ୍ସ, ସିଙ୍ଗାପୁର, ଜର୍ମାନୀ, ଇଟାଲି, ଅଷ୍ଟ୍ରେଲିଆ ଓ ବ୍ରିଟେନର ନେତୃବୃନ୍ଦଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ସେମାନଙ୍କ ସହିତ ଦ୍ୱିପାକ୍ଷିକ ବୈଠକ ହେବାର ସମ୍ଭାବନା ଅଛି । ଗତକାଲି ମୋଦୀ ଚୀନ ରାଷ୍ଟ୍ରପତି ଜି ଜିନପିଙ୍ଗ, ଆମେରିକା ରାଷ୍ଟ୍ରପତି ଜୋ ବାଇଡେନ ଓ ବ୍ରିଟେନ ପ୍ରଧାନମନ୍ତ୍ରୀ ରିଶି ସୁନକଙ୍କୁ ଭେଟିଥିଲେ ।
Comments are closed.