ଡେରାଡୁନ:ଉତ୍ତରାଖଣ୍ଡର ଉତ୍ତରକାଶୀ ଜିଲ୍ଲାର ଧରାଲି ଅଞ୍ଚଳ ଏବେ ବିପର୍ଯ୍ୟୟର ସମ୍ମୁଖୀନ ହେଉଛି। ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ନିଜେ ଗ୍ରାଉଣ୍ଡ ଜିରୋରେ ରହି ଉଦ୍ଧାର କାର୍ଯ୍ୟର ତଦାରଖ କରୁଛନ୍ତି। ଗୁଜୁରାଟର ଜଣେ ମହିଳା ଯାତ୍ରୀ ଗଙ୍ଗୋତ୍ରୀରେ ଫସି ରହିଥିଲେ। ଯେତେବେଳେ ତାଙ୍କୁ ସୁରକ୍ଷିତ ଭାବରେ ଉଦ୍ଧାର କରାଗଲା ସେ ତାଙ୍କ ଚୁନିରୁ ଏକ ଅଂଶ ଚିରି ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମିଙ୍କ ହାତରେ ରାକ୍ଷୀ ଭଳି ବାନ୍ଧିଥିଲେ । ଏହି ସମୟରେ ସେ ବହୁତ ଭାବପ୍ରବଣ ଦେଖାଯାଉଥିଲେ ଏବଂ ମୁଖ୍ୟମନ୍ତ୍ରୀ ଧାମିଙ୍କୁ ଧନ୍ୟବାଦ ଜଣାଇଥିଲେ।
#WATCH | Uttarkashi | On Chief Minister Pushkar Singh Dhami's arrival at Harsil, a woman tourist from Gujarat tore a part of her dupatta and tied a Rakhi on the CM's wrist, as a token of thanks and appreciation for his government's disaster relief operations. pic.twitter.com/Zm3zVpXfVq
— ANI (@ANI) August 8, 2025
ସୂଚନାଥାଉକି, ୫ ଅଗଷ୍ଟରେ ଉତ୍ତରକାଶୀର ଧରାଲିରେ ଏକ ବିପର୍ଯ୍ୟୟ ଘଟିଥିଲା। ଏହି ସମୟରେ ରାସ୍ତା ବନ୍ଦ ହେବା ଯୋଗୁଁ ବିଭିନ୍ନ ରାଜ୍ୟର ଶହ ଶହ ଯାତ୍ରୀ ଗଙ୍ଗୋତ୍ରୀ ଏବଂ ନିକଟବର୍ତ୍ତୀ ଅଞ୍ଚଳରେ ଫସି ରହିଥିଲେ। ସେମାନଙ୍କ ଉଦ୍ଧାର କାର୍ଯ୍ୟ ଜାରି ରହିଛି।
ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି କହିଥିଲେ ଯେ, ଧରାଲିରେ ହଠାତ୍ ବନ୍ୟା ଆସିବାରୁ ସମଗ୍ର ସହର ବିପର୍ଯ୍ୟୟର ଶିକାର ହୋଇଛି। ଅନେକ ରାସ୍ତା, ସେତୁ, କୋଠା, ହୋଟେଲ, ହୋମଷ୍ଟେ ଏବଂ ଘର ନଷ୍ଟ ହୋଇଯାଇଛି। ଲୋକମାନେ କଷ୍ଟ ଭୋଗୁଛନ୍ତି। ବିପର୍ଯ୍ୟୟ ଯୋଗୁଁ କୃଷି ସମ୍ପୂର୍ଣ୍ଣ ନଷ୍ଟ ହୋଇଯାଇଛି।
ମୁଖ୍ୟମନ୍ତ୍ରୀ ଧାମି ଲୋକମାନଙ୍କୁ ଆଶ୍ୱାସନା ଦେଇଛନ୍ତି ଯେ ସରକାର ଖୁବ୍ ଶୀଘ୍ର ସବୁକିଛି ବ୍ୟବସ୍ଥା କରିବେ। ବିଦ୍ୟୁତ୍ ସେବା କ୍ଷତିଗ୍ରସ୍ତ ହୋଇଛି, ଏହାକୁ ଯଥାଶୀଘ୍ର ପୁନଃସ୍ଥାପିତ କରିବା ପାଇଁ ପ୍ରୟାସ ଜାରି ରହିଛି। ମୋବାଇଲ୍ ସେବା ପୁନଃସ୍ଥାପିତ ହୋଇଛି। ଗଙ୍ଗନାନୀ ସମେତ ଅନେକ ସ୍ଥାନରେ ରାସ୍ତା କ୍ଷତିଗ୍ରସ୍ତ ହୋଇଛି। ଏଠାକୁ ଆସିଥିବା ୫୦୦ ପର୍ଯ୍ୟଟକଙ୍କ ମଧ୍ୟରୁ ୪୦୦ ଜଣଙ୍କୁ ହେଲିକପ୍ଟର ସାହାଯ୍ୟରେ ଉଦ୍ଧାର କରାଯାଇଛି।
ଶୁକ୍ରବାର, ୮ ଅଗଷ୍ଟରେ ଉତ୍ତରକାଶୀ ଜିଲ୍ଲା ପ୍ରଶାସନ ଦ୍ୱାରା ଦିଆଯାଇଥିବା ଅପଡେଟ୍ ଅନୁସାରେ, ଏପର୍ଯ୍ୟନ୍ତ ୪୯ ଜଣ ନିଖୋଜ ଥିବା ରିପୋର୍ଟ କରାଯାଇଛି। ୫ ଜଣଙ୍କର ମୃତ୍ୟୁ ହୋଇଛି। ଉତ୍ତରାଖଣ୍ଡ ଏସଡିଆରଏଫ ବ୍ୟତୀତ ଏନଡିଆରଏଫ, ଆଇଟିବିପି, ସେନା ଏବଂ ବାୟୁସେନାର ବିଭିନ୍ନ ଦଳ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି।
Comments are closed.