ଖୋର୍ଦ୍ଧା: ଖୋର୍ଦ୍ଧା ଜିଲା ନିରାକାରପୁର ଲେବୁଲ୍ କ୍ରସିଂରୁ ଗଞ୍ଜେଇ ଭର୍ତ୍ତି ଏକ ବୋଲେରୋକୁ କାବୁ କରିବାରେ ସକ୍ଷମ ହୋଇଛି ଟାଙ୍ଗୀ ଅବକାରୀ ବିଭାଗ । ଏହି ବୋଲେରୋରୁ ପ୍ରାୟ ୪ କୁଇଣ୍ଟାଲ ଗଞ୍ଜେଇ ସହ ୨ଟି ମୋବାଇଲ ଜବତ ହୋଇଛି । ଘଟଣାରେ ସମ୍ପୃକ୍ତ ଡ୍ରାଇଭରଙ୍କୁ ଗିରଫ କରାଯାଇଛି । ଗିରଫ ଚାଳକଜଣଙ୍କ ହେଲେ ପୁରୀ ଜିଲା ବ୍ରହ୍ମଗିରି ଗୌଡ଼ସାହିର ପୂର୍ଣ୍ଣଚନ୍ଦ୍ର ଦେ ।
ତେବେ ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ ୪୫ ଲକ୍ଷରୁ ଊର୍ଦ୍ଧ୍ୱ ହେବବୋଲି ଟାଙ୍ଗୀ ଅବକାରୀ ଅଧୀକ୍ଷକ ସୁମତି ତ୍ରିପାଠୀ ସୂଚନା ଦେଇଛନ୍ତି ।
ଏତେ ପରିମାଣର ଗଞ୍ଜେଇ ଗଞ୍ଜାମର ଶେରଗଡ଼ ଅଞ୍ଚଳରୁ ନିରାକାରପୁର ଦେଇ ପୁରୀ ଜିଲ୍ଲା ବ୍ରହ୍ମଗିରିକୁ ଯାଉଥିଲା । ଖବରପାଇ ପୂର୍ବରୁ ନିରାକାରପୁର ଲେଭଲ କ୍ରସିଂ ପାଖରେ ଯଗି ରହିଥିଲା ଅବକାରୀ ବିଭାଗ ଗାଡ଼ିଟି ଲେଭଲ କ୍ରସିଂ ପାର୍ ହେଉଥିବା ବେଳେ ଟାଙ୍ଗୀ ଅବକାରୀ ବିଭାଗ ଏହାକୁ ଅଟକାଇଥିଲା । ଗାଡ଼ି ଯାଞ୍ଚ ସମୟରେ ଏହି ଗଞ୍ଜେଇ ଜବତ କରିଥିଲା ।
ଏଥିରେ ପ୍ରାୟ ୧୬ ବସ୍ତା ଗଞ୍ଜେଇ ରହିଥିବା ସୂଚନା ରହିଛି । ଏହି ଘଟଣାରେ ମାମଲା ରୁଜୁ ହୋଇଛି, ଏହା ସହ ଏହା ପଛରେ ଆଉ କାହର ସମ୍ପୃକ୍ତି ଅଛି ସେନେଇ ତଦନ୍ତ ଆରମ୍ଭ କରିଛି ବିଭାଗ ।