ନୂଆଦିଲ୍ଲୀ : ବାଇଡେନଙ୍କ ଇସ୍ରାଏଲ ଗସ୍ତ ପୂର୍ବରୁ ବଡ ଖବର ସାମ୍ନାକୁ ଆସିଛି । ଗାଜା ହସ୍ପିଟାଲ ଉପରେ ରକେଟ୍ ମାଡ ହୋଇଛି । ଫଳରେ ୫୦୦ ରୁ ଉର୍ଦ୍ଧ୍ବ ଲୋକଙ୍କର ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ ଅଧିକାଂଶ ମହିଳା ଏବଂ ଶିଶୁ ଥିବା ଜଣାପଡିଛି । ଇସ୍ରାଏଲ ପକ୍ଷରୁ ରକେଟ୍ ମାଡ ହୋଇଥିବା ହମାସ ଅଭିଯୋଗ କରିଛି । ସେପଟେ ଇସ୍ରାଏଲ ପ୍ରଧାନମନ୍ତ୍ରୀ ହମାସର ଅଭିଯୋଗକୁ ଖଣ୍ଡନ କରିଛନ୍ତି । ଆତଙ୍କବାଦୀଙ୍କ ପକ୍ଷରୁ ରକେଟ୍ ମାଡ ହୋଇଥିବା ସେ କହିଛନ୍ତି ।
ରକେଟ ମାଡର ଭିଡିଓ ଜାରି କରିଛି ଇସ୍ରାଏଲ ସେନା । ଇସ୍ରାମିକ ଜିହାଦ ରକେଟ ମାଡ କରିଥିବା IDF କହିଛି । ସେପଟେ ଆଜି ଇସ୍ରାଏଲ ଗସ୍ତ କରୁଛନ୍ତି ଆମେରିକା ରାଷ୍ଟ୍ରପତି ଜୋ ବାଇଡେନ୍ । ଇସ୍ରାଏଲକୁ ସମର୍ଥନ କରି ଗସ୍ତ କରିଥିବାବେଳେ ସେଠାରେ ଇସ୍ରାଏଲର ବରିଷ୍ଠ ନେତାଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି । ତେବେ ଗାଜା ହସ୍ପିଟାଲ ବିସ୍ଫୋରଣ ପାଇଁ ସେ ଜୋର୍ଡାନ ଗସ୍ତ କାର୍ଯ୍ୟକ୍ରମକୁ ବାତିଲ କରିଛନ୍ତି ।