ଲୋକମାନେ ଶୀତ ଋତୁକୁ ଉପଭୋଗ କରିବା ପାଇଁ ଆନନ୍ଦର ସହିତ ଅପେକ୍ଷା କରିଥାନ୍ତି। କିନ୍ତୁ ଏହି ଥଣ୍ଡା ଦିନେ ସ୍ୱାସ୍ଥ୍ୟ ସହିତ ଚର୍ମ ପର୍ଯ୍ୟନ୍ତ ଅନେକ ସମସ୍ୟା ମଧ୍ୟ ଆସିଥାଏ। ବିଶେଷକରି ଏହି ଋତୁରେ, ଲୋକଙ୍କ ଚର୍ମ ବହୁତ ଶୁଷ୍କ ଏବଂ ଆଦ୍ର ହୋଇଯାଏ । ଶୀତ ଆରମ୍ଭ ନହେଉଣୁ ଲୋକଙ୍କ ଚର୍ମ ଶୁଷ୍କ ହେବାରେ ଲାଗିଛି। ତ୍ୱଚାରେ ଧଳା ଦାଗ, ଫାଟିବା ଭଳି ସମସ୍ୟା ଆରମ୍ଭ ହୋଇଛି। ଶୀତ ଋତୁରେ କିପରି ନିଜ ତ୍ୱଚାର ଯତ୍ନ ନେବେ ଆସନ୍ତୁ ଜାଣିବା….
ଏହି ଘରୋଇ ଉପଚାର ବ୍ୟବହାର କରନ୍ତୁ:
ନଡିଆ ତେଲ ଲଗାନ୍ତୁ: ଶୁଖିଲା ଚର୍ମର ଚିକିତ୍ସା ପାଇଁ ନଡିଆ ତେଲ ଅତ୍ୟନ୍ତ ଲାଭଦାୟକ। ଚର୍ମର ଆର୍ଦ୍ରତାକୁ ଉନ୍ନତ କରିବାରେ ଏହା ପ୍ରଭାବଶାଳୀ। ଏଥିରେ ଥିବା ଫ୍ୟାଟି ଏସିଡଗୁଡିକର ଇମୋଲିଏଣ୍ଟ ଗୁଣ ରହିଛି। ଶୁଷ୍କ ଚର୍ମରେ ଥିବା ଫାଟ ଗୁଡିକ ପୂରଣ କରି ଏହାକୁ ନରମ କରି ଇମୋଲିଏଣ୍ଟସ୍ ଏକ ମଶ୍ଚରାଇଜର ଭାବରେ କାର୍ଯ୍ୟ କରେ।
ପେଟ୍ରୋଲିୟମ ଜେଲି: ପେଟ୍ରୋଲିୟମ ଜେଲିକୁ ଖଣିଜ ତେଲ ମଧ୍ୟ କୁହାଯାଏ। ବର୍ଷ ବର୍ଷ ଧରି ଏହା ଏକ ମଶ୍ଚରାଇଜର ଭାବରେ ବ୍ୟବହୃତ ହୋଇଆସୁଛି। ବିଶେଷକରି, ଶୀତ ଋତୁରେ ଯଦି ଆପଣଙ୍କର ଚର୍ମ ବହୁତ ଶୁଷ୍କ ଥାଏ, ତେବେ ରାତିରେ ଶୋଇବା ପୂର୍ବରୁ ଏହାକୁ ଆପଣଙ୍କ ମୁହଁରେ ଲଗାନ୍ତୁ। ଏହା କରିବା ଦ୍ୱାରା ଚର୍ମ ଦିନସାରା ନରମ ରହିବ।
ଆଲୋଭେରା ଜେଲ୍: ଶୁଖିଲା ଚର୍ମରୁ ମୁକ୍ତି ପାଇବାରେ ଆଲୋଭେରା ଜେଲ୍ ଅତ୍ୟନ୍ତ ଲାଭଦାୟକ। ଯଦି ଏହି ଋତୁରେ ମୁହଁ, ହାତ କିମ୍ବା ପାଦର ଚର୍ମ ଶୁଷ୍କ ହୋଇଯାଏ, ତେବେ ଆପଣ ତୁରନ୍ତ ଆଲୋଭେରା ବା ଘିକୁଆଁରୀ ଜେଲ୍ ପ୍ରୟୋଗ କରିବା ଉଚିତ୍। ରାତିରେ ଶୋଇବା ପୂର୍ବରୁ ମୁହଁରେ ଆଲୋଭେରା ଜେଲ ଲଗାନ୍ତୁ। ଏହା କିଛି ଦିନ ମଧ୍ୟରେ ଉତ୍କୃଷ୍ଟ ଫଳାଫଳ ଦେବ।
ଶୁଷ୍କ ଚର୍ମକୁ ଏଡାଇବା ପାଇଁ, ଏହି ଜିନିଷଗୁଡିକ ଧ୍ୟାନରେ ରଖନ୍ତୁ:
ସ୍ନାନ କରିବା ପରେ ନିୟମିତ ଭାବେ ମଶ୍ଚରାଇଜର ଲଗାଇବା ଦ୍ୱାରା ଚର୍ମ ଶୁଷ୍କ ହେବାକୁ ରୋକିଥାଏ । ଅନାବଶ୍ୟକ ଭାବରେ ଚର୍ମକୁ ସ୍କ୍ରାଚ୍ କରନ୍ତୁ ନାହିଁ। ତଉଲିଆ ବ୍ୟବହାର କରିବା ସମୟରେ ଚର୍ମକୁ ଅତ୍ୟଧିକ ଘଷିବା ନାହିଁ। ଅତ୍ୟଧିକ ଗରମ ପାଣିରେ ଗାଧୋଇବା ନାହିଁ। ଆଲକୋହଲ ଯୁକ୍ତ ଲୋସନ ବ୍ୟବହାର କରିବା ନାହିଁ। ଚର୍ମକୁ ଘଷୁଥିବା ପୋଷାକ ପିନ୍ଧିବା ନାହିଁ। ହିଟର କିମ୍ବା ନିଆଁର ସିଧାସଳଖ ଉତ୍ତାପରେ ବସିବା ନାହିଁ। ଏହି ସବୁ ଜିନିଷ ଉପରେ ଧ୍ୟାନ ରଖିଲେ ଆପଣଙ୍କ ଚର୍ମ ଫାଟିବ ନାହିଁ।