ବଲାଙ୍ଗୀର : ପ୍ରେମିକ ଛୁରୀ ଚୋଟରେ ପ୍ରେମିକା ଗୁରୁତର । ଏବେ ପୋଲିସ ହେପାଜତରେ ପ୍ରେମିକ । ଆଉ ସେପଟେ ହସପିଟାଲ ବେଡ଼ରେ ମୃତ୍ୟୁ ସହ ସଂଗ୍ରାମ କରୁଛି ପ୍ରେମିକା । ଏପରି ଘଟଣା ଵଲାଙ୍ଗିର ସହର କନପାଳି ପଡ଼ାରେ ଘଟିଛି ।
ଚଟିଆପାଲି ଗାଁ ର ଜଣେ ଯୁବତୀ ଵଲାଙ୍ଗିରରେ ଏକ ଭଡା ଘରେ ରହୁଥିଲେ । ଏହା ଭିତରେ ଦାସ ବାଗ ନାମକ ଜଣେ ଯୁବକ ସହିତ ଗଢି ଉଠିଥିଲା ପ୍ରେମ ସମ୍ପର୍କ । ସଦେଇପାଲି ଗାଁ ରେ ଡ୍ରାଇଭର ଭାବେ କାମ କରୁଥିଲେ ଦାସ ବାଗ । ପ୍ରେମରୁ ଦୁହିଁଙ୍କ ଭିତରେ ଗଢି ଉଠେ ଶାରୀରିକ ସମ୍ପର୍କ । ଗତକାଲି ରାତିରେ କନ୍ଧପାଳି ପଡା ପୋଖରୀ ନିକଟରେ ଲୁଚାଛପା ଦୁହେଁ ଭେଟ ହୁଅନ୍ତି । କୌଣସି ଘଟଣାକୁ ନେଇ ଉଭୟଙ୍କ ଭିତରେ ପାଟିତୁଣ୍ଡ ହୋଇଥଲା । ଶେଷରେ ହଠାତ ରାଗିଯାଇ ପ୍ରେମିକ ଛୁରୀ ସାହାଯ୍ୟରେ ପ୍ରେମିକାକୁ ବାରମ୍ବାର ଆଘାତ କରିଥିଲା । ରକ୍ତ ଜୁଡୁବୁଡୁ ଅବସ୍ଥାରେ ପ୍ରେମିକାକୁ ଛାଡି ଛୁ ମାରିଥିଲା ପ୍ରେମିକ । ପୋଲିସ ଖବର ପାଇ ଗୁରୁତର ପ୍ରେମିକାକୁ ଉଦ୍ଧାର କରି ବଲାଙ୍ଗୀର ଭୀମଭୋଇ ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରିଥିଲା । ଏନେଇ ପ୍ରେମିକା ଜଣକ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି । ଅନ୍ୟପଟେ ଫେରାର ପ୍ରେମିକ ଦାସ ବାଗକୁ ଗିରଫ କରିଛି ଟାଉନ ପୋଲିସ ।
ସେପଟେ ଜୋର ଜବରଦସ୍ତ ଶାରୀରିକ ସମ୍ପର୍କ ରଖିବାକୁ ବାଧ୍ୟ କରୁଥିଲା ପ୍ରେମିକ । ବାଧାଦେବାରୁ ଛୁରା ମାଡ କରିଥିବା ପ୍ରେମିକା ଜଣକ ଅଭିଯୋଗ କରିଛି । କିନ୍ତୁ ଦାସ ବାଗ କହିଛନ୍ତି ସେ ବିବାହିତ ବୋଲି ଜାଣି ମଧ୍ୟ ତା ସହିତ ପ୍ରେମ ସମ୍ପର୍କ ରଖନ୍ତି ପ୍ରେମିକା । ଏନେଇ ଟାଉନ ପୋଲିସ ଅଧିକ ତଦନ୍ତ ଜାରି ରଖିଛି ।
Comments are closed.