ଲସଆଞ୍ଜେଲ୍ସ:ଗ୍ଲି ଫିଲ୍ମର ଅଭିନେତ୍ରୀ ନାୟା ରାଭେରାଙ୍କ ମୃତଦେହ ସ୍ଥାନୀୟ ପୋଲିସ ଉଦ୍ଧାର କରିଛି । ଗତ ସପ୍ତାହରେ ସେ ତାଙ୍କ ୪ ବର୍ଷର ପୂଅ ସହ ବୋଟ ଟ୍ରିପରେ ଯାଇଥିବା ବେଳେ ନିଖୋଜ ହୋଇ ଯାଇଥିଲେ । ନିଖୋଜ ହେବାର ୬ ଦିନ ପରେ ମୃତଦେହ କାର୍ଲିଫର୍ଣ୍ଣିଆର ପିରୁ ହ୍ରଦ ନିକଟରୁ ମିଳିଛି । ବୋଟ୍ରୁ କେବଳ ତାଙ୍କର ୪ ବର୍ଷର ପୁଅକୁ ଉଦ୍ଧାର କରାଯାଇଥିଲା । ୬ ଦିନ ଧରି ପୁଲିସ ଖୋଜାଖୋଜି ପରେ ଆଜି ନାୟାଙ୍କ ମୃତଦେହ ହ୍ରଦ ନିକଟରୁ ଉଦ୍ଧାର କରାଯାଇଛି ।
ନାୟା ବୋଟିଂ କରିବା ପାଇଁ ଏକ ବୋଟ୍ ୩ ଘଣ୍ଟା ପାଇଁ ଭଡ଼ାରେ ନେଇଥିଲେ। ତାଙ୍କ ସହିତ ୪ ବର୍ଷର ପୁଅ ରହିଥିଲେ । ବୋଟ୍ଟି ଠିକ୍ ସମୟରେ କୂଳରେ ନ ଲାଗିବାରୁ କର୍ମଚାରୀଙ୍କର ସନ୍ଦେହ ହୋଇଥିଲା । ପରେ ନାୟାଙ୍କ ପୁଅ ହ୍ରଦ ନିକଟ ବୋଟରେ ଏକୁଟିଆ ଥିବା ଦେଖିବାକୁ ମିଳିଥିଲେ । କିନ୍ତୁ ରିବେରାଙ୍କର କୌଣସି ପତ୍ତା ମିଳି ନଥିଲା । ଅନ୍ୟପଟେ ଅଧିକାରୀଙ୍କ କହିବା ଅନୁସାରେ ନାୟା ତାଙ୍କ ପୁଅକୁ ଲାଇଫ ଗାର୍ଡ ପିନ୍ଧାଇଥିଲେ । ହେଲେ ନିଜେ ପିନ୍ଧି ନଥିଲେ । ତେଣୁ ସ୍ୱିମିଙ୍ଗ କରୁଥିବା ସମୟରେ ସେ ବୁଡ଼ି ଯାଇଛନ୍ତି ।
Comments are closed.