ଭୁବନେଶ୍ୱର: ସୁନା ଦରରେ ଲାଗିଲା ବ୍ରେକ୍। ହୁ ହୁ ହୋଇ ବଢୁଥିବା ସୁନା ଦାମ ଆଜି ହଠାତ୍ କମିଛି। ଆଜି ୧୦ ଗ୍ରାମ ସୁନା ପ୍ରାୟ ୨ ହଜାର ଟଙ୍କା ଶସ୍ତା ହୋଇଛି। ସୁନା ମୂଲ୍ୟ ନିରନ୍ତର ବୃଦ୍ଧି ପାଉଛି। ମଙ୍ଗଳବାର ଜାନୁଆରୀ ୨୦ ତାରିଖରେ, ୨୪ କ୍ୟାରେଟ୍ ସୁନାର ମୂଲ୍ୟ ଗ୍ରାମ ପିଛା ୧୫,୫୨୦ ଟଙ୍କାରେ ପହଞ୍ଚିଥିଲା। କିନ୍ତୁ ଏବେ ଏଥିରେ ଏବେ ସାମାନ୍ୟ ହ୍ରାସ ପାଇଛି।
ଆଜି ସୁନା ୧୦ ଗ୍ରାମ୍ ଦର ପ୍ରାୟ ୨ ହଜାର ଟଙ୍କା କମିଲା। ୨୪ କ୍ୟାରେଟ୍ ସୁନା ୧୦ ଗ୍ରାମ୍କୁ ୧ ଲକ୍ଷ ୫୪ ହଜାର ୩୧୦ ଟଙ୍କା ରହିଛି। ୨୨ କ୍ୟାରେଟ୍ ସୁନା ୧୦ ଗ୍ରାମ୍କୁ ୧ ଲକ୍ଷ ୪୧ ହଜାର ୪୫୦ ଟଙ୍କା ରହିଥିବା ବେଳେ ୧୮ କ୍ୟାରେଟ୍ ସୁନା ୧୦ ଗ୍ରାମ୍କୁ ୧ ଲକ୍ଷ ୧୫ ହଜାର ୭୩୦ ଟଙ୍କା ରହିଛି।
ଗତକାଲି ପର୍ଯ୍ୟନ୍ତ ୨୨ କ୍ୟାରେଟ୍ ସୁନା (ଗୋଟିଏ ଗ୍ରାମ) ର ମୂଲ୍ୟ ୧୪,୨୧୭ ଟଙ୍କାରେ ପହଞ୍ଚିଥିଲା। ଗୋଟିଏ ଗ୍ରାମ ୧୮ କ୍ୟାରେଟ୍ ସୁନାର ମୂଲ୍ୟ ୧୧,୬୪୦ ଟଙ୍କାରେ ପହଞ୍ଚିଥିଲା। ପ୍ରତି ୧୦ ଗ୍ରାମ ୨୪ କ୍ୟାରେଟ୍ ସୁନାର ମୂଲ୍ୟ, ମେକିଂ ଚାର୍ଜ ଏବଂ GST ବ୍ୟତୀତ, ୧,୫୫,୨୦୪ ରେ ପହଞ୍ଚିଛି। ତଥାପି, ମେକିଂ ଚାର୍ଜ ଏବଂ GST ସହିତ, ଏହା ପ୍ରତି ଦଶ ଗ୍ରାମ ପାଇଁ ୧.୫୫ ଲକ୍ଷରୁ ଅଧିକ ହେବ। ଘରୋଇ ଏବଂ ଆନ୍ତର୍ଜାତୀୟ ଚାହିଦା ବୃଦ୍ଧି ପାଇବା ମଧ୍ୟରେ ସୁନା ମୂଲ୍ୟ ନିରନ୍ତର ବୃଦ୍ଧି ପାଉଛି। ବିବାହ ଋତୁ ଚାଲିଛି, ହଳଦିଆ ଧାତୁର ଚାହିଦା ଯଥେଷ୍ଟ ବୃଦ୍ଧି ପାଉଛି। ଏହି ସମୟରେ, ଫେବୃଆରୀ ୧ ରେ ଜାତୀୟ ବଜେଟ୍ ଉପସ୍ଥାପନ ହେବାକୁ ଯାଉଛି।