ଭୁବନେଶ୍ବର: ବାହାଘର ସିଜିନ୍ ପାଖେଇ ଆସୁଥିବା ବେଳେ ସୁନା ବଜାରରେ ନିଆଁ ଗ୍ରାହକଙ୍କୁ ବୋଝ ଉପରେ ନଳିତା ବିଡା ସଦୃଶ୍ୟ ବାଧୁଥିଲା । ସୁନାର ଦର ଦେଖି ଗ୍ରାହକ ଚିନ୍ତାରେ ଥିବା ବେଳେ ଏବେ ଆଶ୍ବସ୍ତି ଆଣିଛି ସୁନା ବଜାର । ସୁନା ଦର ମୋଟ ୧୮୦୦ ଟଙ୍କା ହ୍ରାସ ପାଇଛି । ତେବେ ପୂର୍ବରୁ ରାଜଧାନୀ ଭୁବନେଶ୍ବରରେ ୨୨ କ୍ୟାରେଟ୍ ସୁନା ୧୦ ଗ୍ରାମ୍କୁ ଦର ୭୩, ୮୦୦ ଟଙ୍କାରେ ବିକ୍ରି ହୋଉଥିବା ବେଳେ ଏବେ ୨୨ କ୍ୟାରେଟ ଦର ରହିଛି ୭୨ ହଜାର ।
ସେହିପରି ୨୪ କ୍ୟାରେଟ ସୁନା ଦର ଗ୍ରାମ ପ୍ରତି ୮ ହଜାର ୫୨ ଟଙ୍କାରେ ବିକ୍ରି ହେଉଥିବା ବେଳେ ୨୨ କ୍ୟାରେଟ ୭ ହଜାର ୨୦୮୨ ଟଙ୍କା ରହିଛି । ତେବେ ଗତ ସପ୍ତାହରେ ୧.୩୭ ପ୍ରତିଶତ ସୁନା ଦର କମିଥିବା ବେଳେ ଗତ ମାସ ଅପେକ୍ଷା ୩.୪୮ ପ୍ରତିଶତକୁ ହ୍ରାସ ପାଇଛି ।
ସେହିପରି ଜାତୀୟ ରାଜଧାନୀ ଦିଲ୍ଲୀରେ ଗତକାଲି ୨୪ କ୍ୟାରେଟ ସୁନାକୁ ୧୦ ଗ୍ରାମ ପିଛା ୮୦,୫୨୩ ଟଙ୍କାରେ ବିକ୍ରି ହେଉଥିବା ବେଳେ ଆଜି ୮୦,୪୧୩ ଟଙ୍କାରେ ବିକ୍ରି ହେଉଛି । ତେବେ ଗତ ସପ୍ତାହମାନଙ୍କରେ ଦିଲ୍ଲୀରେ ୨୪ କ୍ୟାରେଟ ସୁନା ଦର ୮୧, ୫୧୩ ଟଙ୍କା ଛୁଇଁଥିଲା । ସେହିପରି ମୁମ୍ବାଇରେ ଏବେ ୨୪ କ୍ୟାରେଟ ସୁନା ଦର ୮୦, ୩୭୭ ରହିଛି ।
Comments are closed.