ୱାଶିଂଟନ୍: ଆଫଗାନିସ୍ତାନ ସରକାରୀ ଇମେଲ ଆକାଉଣ୍ଟକୁ ବନ୍ଦ କଲା ଗୁଗୁଲ୍। ପୂର୍ବତନ ଅଧିକାରୀ ତଥା ସେମାନଙ୍କ ଅନ୍ତର୍ଜାତୀୟ ଅଂଶୀଦାରଙ୍କ ଦ୍ୱାରା ଛଡା ଯାଇଥିବା କିଛି ଗୁରୁତ୍ବପୂର୍ଣ୍ଣ ଡିଜିଟାଲ୍ ପେପର ଉପରେ ଭୟ ବଢୁଥିବାରୁ ଗୁଗୁଲ ଅନେକ ଆଫଗାନିସ୍ତାନ ସରକାରୀ ଇମେଲ ଆକାଉଣ୍ଟକୁ ସାମୟିକ ଭାବେ ବନ୍ଦ କରିଦେଇଛି।
ଆମେରିକା ସେନା ଆଫ୍ଗାନିସ୍ତାନ ପ୍ରତ୍ୟାହାରର ମାତ୍ର କିଛି ଦିନ ଭିତରେ ତାଲିବାନ ସମଗ୍ର ଦେଶକୁ ନିଜ ନିୟନ୍ତ୍ରଣକୁ ନେଇଛି। ନୂତନ ଶାସକମାନଙ୍କ ଦ୍ବାରା କିପରି ଶତ୍ରୁମାନଙ୍କୁ ଶିକାର କରିବା ପାଇଁ ବାୟୋମେଟ୍ରିକ୍ ଡାଟାବେସ୍ ବ୍ୟବହାର କରାଯାଇପାରିବ ସେନେଇ ରିପୋର୍ଟରେ ଦର୍ଶାଯାଇଛି।
ଶୁକ୍ରବାର ଦିନ ଏକ ବିବୃତ୍ତିରେ ଆଲଫାବେଟ୍ ଇଙ୍କ୍ସ ଗୁଗୁଲ ଆଫଗାନିସ୍ତାନ ସରକାରୀ ଇମେଲ୍ ଆକାଉଣ୍ଟକୁ ବନ୍ଦ କରିଦେଇଛି। କମ୍ପାନୀ ଆଫଗାନିସ୍ତାନର ପରିସ୍ଥିତି ଉପରେ ନଜର ରଖିଛି ଏବଂ ସମ୍ପୃକ୍ତ ଆକାଉଣ୍ଟକୁ ସୁରକ୍ଷିତ ରଖିବା ପାଇଁ ଅସ୍ଥାୟୀ ପଦକ୍ଷେପ ନେଉଛି।
ପୂର୍ବତନ ସରକାରଙ୍କ ଜଣେ କର୍ମଚାରୀ ରଏଟର୍ସକୁ କହିଛନ୍ତି ଯେ ତାଲିବାନ ପୂର୍ବତନ ଅଧିକାରୀଙ୍କ ଇମେଲ ହାସଲ କରିବାକୁ ଚାହୁଁଛି।
ଗତ ମାସ ଶେଷରେ କର୍ମଚାରୀ କହିଥିଲେ ଯେ ତାଲିବାନ ତାଙ୍କୁ କାମ କରୁଥିବା ମନ୍ତ୍ରଣାଳୟର ସର୍ଭରରେ ରଖାଯାଇଥିବା ତଥ୍ୟ ସଂରକ୍ଷଣ କରିବାକୁ କହିଥିଲେ।