ତୃତୀୟ ରିଲିଫ୍ ପ୍ୟାକେଜ୍ରେ ପର୍ଯ୍ୟଟନ, ହୋଟେଲ ଏବଂ ରିଏଲ୍ ଇଷ୍ଟେଟ୍ ଭଳି କ୍ଷେତ୍ରକୁ ମିଳିପାରେ ସର୍ବାଧିକ ଲାଭ
ନଆଦିଲ୍ଲୀ: ଲକଡାଉନ୍ରେ ଅଧିକ କ୍ଷତିଗ୍ରସ୍ତ ହୋଇଥିବା କ୍ଷେତ୍ରଗୁଡିକ ମଧ୍ୟରେ ପର୍ଯ୍ୟଟନ, ହୋଟେଲ, ରିଅଲ୍ ଇଷ୍ଟେଟ୍, ନିର୍ମାଣ ଭଳି କ୍ଷେତ୍ର ଅନ୍ତର୍ଭୁକ୍ତ। ଏହି କ୍ଷେତ୍ରଗୁଡିକରେ ବହୁ ସଂଖ୍ୟକ ଲୋକ ନିଯୁକ୍ତି ମିଳିଥାଏ। କିନ୍ତୁ ଏହି ଶିଳ୍ପଗୁଡିକ ଲକଡାଉନ୍ ଦ୍ୱାରା ଅଧିକ ପ୍ରଭାବିତ ହୋଇଛି ଯାହା ଫଳରେ ବହୁ ସଂଖ୍ୟକ ଲୋକ ନିଜ ଜୀବିକା ହରାଇଛନ୍ତି। ଅନେକ କର୍ମଚାରୀ ଦରମା କାଟ୍ ଭଳି ସମସ୍ୟାର ସମ୍ମୁଖୀନ ମଧ୍ୟ ହୋଇଛନ୍ତି।
ବର୍ତ୍ତମାନ କେନ୍ଦ୍ର ସରକାର ପର୍ଯ୍ୟଟନ, ହୋଟେଲ, ରିଅଲ୍ ଇଷ୍ଟେଟ୍, ନିର୍ମାଣ, ଷ୍ଟାର୍ଟ ଅପ୍ ଏବଂ ନିର୍ମାଣ ସମେତ ୬ଟି କ୍ଷେତ୍ରକୁ ରିଲିଫ୍ ପ୍ୟାକେଜ୍ ପ୍ରଦାନ କରିବାକୁ ବିଚାର କରୁଛନ୍ତି। ଏହି କ୍ଷେତ୍ରଗୁଡିକ ପାଇଁ ସରକାର ସ୍ୱତନ୍ତ୍ର ଯୋଜନା ପ୍ରସ୍ତୁତ କରୁଛନ୍ତି ବୋଲି ସୂତ୍ରରୁ ପ୍ରକାଶ। ସରକାର ଏହି କ୍ଷେତ୍ରଗୁଡିକରେ ନଗଦ ପ୍ରବାହକୁ ତ୍ୱରାନ୍ୱିତ କରିବାକୁ ଚାହୁଁଛନ୍ତି।
ରୋଜଗାର ବୃଦ୍ଧି ହେଉଛି ସରକାରଙ୍କର ସବୁଠାରୁ ବଡ ଚିନ୍ତା, ଯାହାଦ୍ୱାରା ଲୋକମାନେ ଅଧିକ ଅର୍ଥ ଏବଂ ଚାହିଦା ପାଇପାରିବେ। ଏହି କ୍ଷେତ୍ରଗୁଡିକୁ ରିଲିଫ ଦେଇ ନିଯୁକ୍ତି ବୃଦ୍ଧି କରିବା ହେଉଛି ସରକାରଙ୍କ ମୂଳ ଲକ୍ଷ୍ୟ।
ନୀତି ଆୟୋଗ ଉପାଧ୍ୟକ୍ଷ ରାଜୀବ କୁମାର ନିକଟରେ କହିଛନ୍ତି ଯେ ଯେଉଁ କ୍ଷେତ୍ରଗୁଡିକ ଅଧିକ ସାହାଯ୍ୟର ଆବଶ୍ୟକତା ସରକାର ସେମାନଙ୍କୁ ସହାୟତା ପ୍ରଦାନ କରିବା ଉଚିତ। ଯାହାଦ୍ୱାରା ଅଧିକ ଲୋକଙ୍କୁ ନିଯୁକ୍ତି ମିଳିପାରିବ। ଲକଡାଉନ୍ ନିୟନ୍ତ୍ରଣ ଯୋଗୁ ଟୁର୍-ଟ୍ରାଭେଲ୍, ହୋଟେଲ, ବିମାନ ଚଳାଚଳ, ନିର୍ମାଣ, ରିଅଲ୍ ଇଷ୍ଟେଟ୍ ଏବଂ ଅନ୍ୟାନ୍ୟ କ୍ଷେତ୍ରଗୁଡ଼ିକ ଅସୁବିଧାର ସମ୍ମୁଖୀନ ହୋଇଥିଲେ।
Comments are closed.