ଗୁଗୁଲ ପ୍ଲେ ଷ୍ଟୋରରୁ ଏହି ଚାଇନିଜ୍ ଆପକୁ ହଟାଯାଉ; ଭାରତ ସରକାର ଦେଲେ ଆଦେଶ

ନୂଆଦିଲ୍ଲୀ: ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ଓ  ଭାରତୀୟ ସର୍ବେକ୍ଷଣ ବିଭାଗ ଗୁଗୁଲକୁ ପ୍ଲେ ଷ୍ଟୋରରୁ ଚାଇନିଜ୍ ଚାଟ୍ ଆପ୍ ଅବଲୋ (Ablo)କୁ ହଟାଇବା ପାଇଁ ନିର୍ଦ୍ଦେଶ ଦେଇଛନ୍ତି । ସୂଚନା ଅନୁଯାୟୀ, ଏହି ଚୀନ୍ ଆପ୍ ଭାରତର ସୀମାକୁ ସଠିକ୍ ଭାବରେ ଦର୍ଶାଉ ନଥିଲା। ଭାରତର ମାନଚିତ୍ରକୁ ଭୁଲ ଭାବେ ଦର୍ଶାଇଛି ।

ଏହି ବିଜ୍ଞପ୍ତିରେ ୧୯୯୦ର ଅପରାଧିକ ଆଇନ (ସଂଶୋଧନ) ଅଧିନିୟମ ଏବଂ ସୂଚନା ପ୍ରଯୁକ୍ତିବିଦ୍ୟା ଅଧିନିୟମ, ୨୦୦୦ର ଧାରା ୭୯(୩)(ଖ) ଦର୍ଶାଯାଇଛି ଯାହା ଅନଲାଇନ୍ ନିୟମକୁ ଭାରତୀୟ ନିୟମ ଉଲ୍ଲଂଘନ କରୁଥିବା ବିଷୟବସ୍ତୁକୁ ହଟାଇବାକୁ ନିର୍ଦ୍ଦେଶ ଦେଇଛି । ଯେତେବେଳେ ଏହି ବିଜ୍ଞପ୍ତି ଜାରି କରାଯାଇଥିଲା, ଅବଲୋ ଆପ୍ ଗୁଗଲ୍ ପ୍ଲେ ଷ୍ଟୋରରେ ଉପଲବ୍ଧ ଥିଲା, କିନ୍ତୁ ଏହା ଆପଲ୍ App Storeରୁ ପୂର୍ବରୁ ହଟାଇ ଦିଆଯାଇଛି ।

ସରକାରୀ ନୋଟିସରେ କୁହାଯାଇଛି ଯେ ଚୀନ ଭିତ୍ତିକ ଭିଡିଓ ଚାଟ୍ ପ୍ଲାଟଫର୍ମ ଜମ୍ମୁ-କାଶ୍ମୀର ଏବଂ ଲଦାଖ କେନ୍ଦ୍ରଶାସିତ ଅଞ୍ଚଳକୁ ଭୁଲ ଭାବରେ ଉପସ୍ଥାପନ କରିଛି ଏବଂ ଲାକ୍ଷାଦ୍ବୀପକୁ ମାନଚିତ୍ରରୁ ସମ୍ପୂର୍ଣ୍ଣ ଭାବରେ ବାଦ ଦେଇଛି। ଯାହା ଦେଶର ସାର୍ବଭୌମତ୍ୱ ଏବଂ ଅଖଣ୍ଡତାକୁ ବିପଦରେ ପକାଇଥାଏ।

ମନ୍ତ୍ରଣାଳୟ ନୋଟିସରେ କୁହାଯାଇଛି ଯେ, SoI ସହିତ ବୈଠକ ସମୟରେ ଡିଜିଟାଲ୍ ପ୍ଲାଟଫର୍ମରେ ଭୁଲ ମାନଚିତ୍ର ପ୍ରସଙ୍ଗ ଉଠାଇଥିଲା। ମନ୍ତ୍ରଣାଳୟ SOI ସହ ଜଡିତ ଆଇନ ଅନୁଯାୟୀ ଏପରି ଆପ୍ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କହିଛି।