ନୂଆଦିଲ୍ଲୀ: ଭାରତ ସରକାର ଆଜି ପାକିସ୍ତାନର ୬ ସମେତ ୧୬ ୟୁଟ୍ୟୁବ ଚ୍ୟାନେଲକୁ ବ୍ୟାନ କରିଛନ୍ତି । ଏହି ଚ୍ୟାନେଲଗୁଡିକ ମିଥ୍ୟା ନ୍ୟୁଜ ପ୍ରସାର କରି ଦେଶରେ ଅଶାନ୍ତି ସୃଷ୍ଟି କରିବା ପାଇଁ ଉଦ୍ୟମ କରୁଥିଲେ । ସୂଚନା ଓ ପ୍ରସାରଣ ମନ୍ତ୍ରଣାଳୟ ବିଧିବଦ୍ଧ ଭାବେ ଏ ନେଇ ନିର୍ଦ୍ଦେଶନାମା ଜାରୀ କରିଛି । ସବୁଠାରୁ ଗୁରୁତ୍ୱପୂର୍ଣ୍ଣ ଏହି ଚ୍ୟାନେଲଗୁଡିକର ଦର୍ଶକଙ୍କ ସଂଖ୍ୟା ୬୮ କୋଟି ରହିଥିଲା । ଏହା ପୂର୍ବରୁ ଚଳିତ ବର୍ଷ ଜାନୁୟାରୀରେ ୨୨ ଅନ୍ୟ ଚ୍ୟାନେଲକୁ ମଧ୍ୟ ବ୍ୟାନ କରାଯାଇଥିଲା । ସାମ୍ପ୍ରଦାୟିକ ବିଦ୍ୱେଷ ବଢ଼ାଇବା, ଭୟର ବାତାବରଣ ଖେଳାଇବା ଏବଂ ଜନସାଧାରଣ ବ୍ୟବସ୍ଥାକୁ ଏହି ଚ୍ୟାନେଲଗୁଡିକର ମୁଖ୍ୟ ଷଡଯନ୍ତ୍ର ରହିଛି ।
ବ୍ୟାନ ହୋଇଥିବା ଚ୍ୟାନେଲ
ଭାରତ
୧. ସାଇନି ଏଜୁକେଶନ ଦେଖୋ ୨.ଟେକ୍ନିକାଲ ଯୋଗେନ୍ଦ୍ର ୩.ଆଜ ତେ ନ୍ୟୁଜ ୪.ହିନ୍ଦୀ ମେ ଦେଖୋ ୫.ଏସବିବି ନ୍ୟୁଜ, ୬. ଡିଫେନ୍ସ ନ୍ୟୁଜ ୨୪ଗୁଣନ୭ ୭.ଦି ଷ୍ଟଡି ଟାଇମ ୮.ଲାଟେଷ୍ଟ ଅପଡେଟ ୯.ଏମଆରଏଫ ଟିଭି ଲାଇଫ ୧୦.ତହଫୁଜ ଇ ଡିନ ଇଣ୍ଡିଆ ।
ପାକିସ୍ତାନ
୧.ଆଜତକ ପାକିସ୍ତାନ ୨.ଡିସ୍କଭର ପଂଏଟ ୩. ରିୟଲିଟି ଚେକ ୪. କାଇଜର ଖାଁ ୫.ଦି ଭଏସ ଅଫ ଏସିଆ ୬.ବୋଲ ମେଡିଆ ବୋଲ ।
