ସୁନ୍ଦରଗଡ଼: ସୁନ୍ଦରଗଡ଼ ଜିଲ୍ଲାରେ ଏକ ଆଶ୍ଚର୍ଯ୍ୟଜନକ ଘଟଣା ଘଟିଛି, ବିବାହ ଶୋଭାଯାତ୍ରା ବେଳେ ଜଣେ ବରକୁ ତାଙ୍କ ପୂର୍ବତନ ପ୍ରେମିକାଙ୍କ ଠକେଇ ଅଭିଯୋଗରେ ପୁଲିସ ଉଠାଇ ନେଇଛି।
ବାମରା ଥାନା ଅନ୍ତର୍ଗତ ଖୋକପଡ଼ା ଗ୍ରାମର ବିଷ୍ଣୁ ପିଙ୍ଗା ପୂର୍ବରୁ ସଞ୍ଜୁ କିର୍କିତାଙ୍କ ସହ ଲିଭ୍ ଇନ୍ ରିଲେସନ୍ ସିପରେ ଥିଲେ ବୋଲି ଅଭିଯୋଗ ରହିଛି। ତେବେ ବିଷ୍ଣୁ ଏହି ସମ୍ପର୍କକୁ ଶେଷ କରି ସଞ୍ଜୁଙ୍କ ସହ ସମସ୍ତ ଯୋଗାଯୋଗ ବନ୍ଦ କରିଦେଇଥିଲେ।
ଏହାପରେ ବିଷ୍ଣୁ ଅନ୍ୟ ଜଣେ ମହିଳାଙ୍କ ସହ ବିବାହ କରିବା ବିଷୟରେ ଜାଣିବା ପରେ ସଞ୍ଜୁ ଥାନାରେ ଅଭିଯୋଗ କରିଥିଲେ। ତାଙ୍କ ଅଭିଯୋଗକୁ ଭିତ୍ତି କରି ପୁଲିସ ରବିବାର ବିଷ୍ଣୁ ଧରୁଆଡିହି ଗ୍ରାମରୁ ଏକ ସଜ୍ଜିତ କାରରେ ନିଜ ବିବାହ ସ୍ଥଳକୁ ଯାଉଥିବା ବେଳେ ତାଙ୍କୁ ଅଟକାଇଥିଲା।
ପୁଲିସ ତାଙ୍କୁ ଥାନାକୁ ଆଣି କାରକୁ ଜବତ କରିଛି। ଖବର ଲେଖାଯିବା ବେଳକୁ ଉଭୟ ବିଷ୍ଣୁ ଓ ସଞ୍ଜୁଙ୍କୁ ପୁଲିସ ପଚରାଉଚରା କରୁଛି।
Comments are closed.