ନୂଆଦିଲ୍ଲୀ: ଭାରତୀୟ ଦଳର ପୂର୍ବତନ ମହାନ ବ୍ୟାଟର ସଚିନ ତେନ୍ଦୁଲକରଙ୍କ ସମଗ୍ର ବିଶ୍ୱରେ ଲକ୍ଷ ଲକ୍ଷ ପ୍ରଶଂସକ ଅଛନ୍ତି। ସଚିନ ତେନ୍ଦୁଲକରଙ୍କ ପ୍ରଶଂସକମାନେ ଏବେ ବି ତାଙ୍କୁ ପଡ଼ିଆରେ କ୍ରିକେଟ୍ ଖେଳୁଥିବା ଦେଖିବାକୁ ଚାହୁଁଛନ୍ତି। ପ୍ରଶଂସକଙ୍କ ଏହି ଇଚ୍ଛା ଗୁରୁବାର ଦିନ ସଚିନ ତେନ୍ଦୁଲକର ଓଡବ୍ଲ୍ୟୁଓଏଫ୍ କପ୍ ୨୦୨୪ରେ ପଡ଼ିଆକୁ ଓହ୍ଲାଇବା ପରେ ପୂରଣ ହୋଇଛି।
ଏହି ମ୍ୟାଚରେ ସଚିନ ତେନ୍ଦୁଲକରଙ୍କ ହାତରେ ଏକ ଓ୍ୱାର୍ଲ୍ଡ ଦଳର କମାଣ୍ଡ ମଧ୍ୟ ଥିଲା । ସଚିନ ତେନ୍ଦୁଲକରଙ୍କ ଦଳ ପୂର୍ବତନ ଭାରତୀୟ କିମ୍ବଦନ୍ତୀ ଅଲରାଉଣ୍ଡର ଯୁବରାଜ ସିଂହଙ୍କ ଟିମ୍ ୱାନ୍ ଫ୍ୟାମିଲିର ଚ୍ୟାଲେଞ୍ଜର ସମ୍ମୁଖୀନ ହୋଇଥିଲା।
ଏହି ମ୍ୟାଚରେ ଯୁବରାଜ ସିଂହଙ୍କ ଟିମ୍ ୱାନ୍ ଫ୍ୟାମିଲି ପ୍ରଥମେ ବ୍ୟାଟିଂ କରି ସଚିନଙ୍କ ଟିମ୍ ୱାନ୍ ୱାର୍ଲ୍ଡ ଆଗରେ ବିଜୟ ପାଇଁ ୨୦ ଓଭରରେ ୧୮୧ ରନ୍ ଟାର୍ଗେଟ୍ ରଖିଥିଲା। ଏହି ସମୟରେ ଷ୍ଟାଡିୟମରେ ଉପସ୍ଥିତ ସମସ୍ତେ ସଚିନ ତେନ୍ଦୁଲକରଙ୍କୁ ଦୀର୍ଘ ଦିନ ପରେ ବୋଲିଂ କରୁଥିବା ଦେଖିବାକୁ ପାଇଥିଲେ। ଦୀର୍ଘ ଦିନ ପରେ ପ୍ରଶଂସକମାନେ ଏହି ଦୃଶ୍ୟ ଦେଖିଛନ୍ତି, ଏହି ମୁହୂର୍ତ୍ତକୁ ସମସ୍ତେ ନିଜ କ୍ୟାମେରାରେ ମଧ୍ୟ କଏଦ କରିଛନ୍ତି। ଆଉ ତାଳିରେ କମ୍ପିଥିଲା ଷ୍ଟାଡିୟମ।
ଏହାପରେ ପ୍ରଶଂସକମାନେ ଯେଉଁ ସମୟକୁ ଅପେକ୍ଷା କରିଥିଲେ ତାହା ମ୍ୟାଚରେ ଆସିଥିଲା। ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ବ୍ୟାଟିଂ କରି ଦଳକୁ ଦୃଢ଼ ଆରମ୍ଭ ଦେଇଥିଲେ। ସଚିନଙ୍କ ବ୍ୟାଟିଂରେ ଆଜି ବି ସମାନ ପ୍ରଦର୍ଶନ ଦେଖିବାକୁ ମିଳିଥିଲା। ବ୍ୟାଟିଂ ସମୟରେ ସଚିନ ଅନେକ ଭଲ ସଟ୍ ଖେଳିଥିଲେ, ଯାହାକୁ ଦେଖି ପ୍ରଶଂସକମାନେ ପୁରୁଣା ସଚିନ ତେନ୍ଦୁଲକରଙ୍କୁ ମନେ ପକାଇଥିଲେ।
Batting or bowling – why choose when you’re Sachin Tendulkar? 🤩👊🏻
The legend is back to show us how it’s done in the ‘One World One Family Cup 2024’! 💪#Cricket pic.twitter.com/tRhsIM4pzR
— Star Sports (@StarSportsIndia) January 18, 2024
ଏହି ମ୍ୟାଚରେ ସଚିନ ତେନ୍ଦୁଲକର ବ୍ୟାଟିଂ କରି ୨୭ ରନ୍ କରିଥିଲେ। ଏହି ଇନିଂସରେ ସଚିନ ୩ଟି ଚମତ୍କାର ଚୌକା ମାରିଥିଲେ।
ସଚିନ ତେନ୍ଦୁଲକରଙ୍କ ଟିମ୍ ୱାନ୍ ୱାର୍ଲ୍ଡ ଏହି ମ୍ୟାଚକୁ ୪ ଓ୍ଵିକେଟରେ ଜିତି ନେଇଥିଲା। ଯୁବରାଜ ସିଂହଙ୍କ ଟିମ୍ ୱାନ୍ ଫ୍ୟାମିଲି ଓ୍ଵାନ୍ ୱାର୍ଲ୍ଡ ଆଗରେ ବିଜୟ ପାଇଁ ୧୮୧ ରନର ଟାର୍ଗେଟ ରଖିଥିଲା। ସଚିନଙ୍କ ଦଳ ୧୮୧ ରନର ଟାର୍ଗେଟକୁ ସହଜରେ ହାସଲ କରିନେଇଥିଲା।
ଓ୍ଵାନ୍ ୱାର୍ଲ୍ଡ ପକ୍ଷରୁ ବ୍ୟାଟିଂ କରୁଥିବା ଆଲଭିରୋ ପିଟରସନ୍ ୫୦ ବଲରୁ ୭୪ ରନ୍ କରି ଦଳକୁ ବିଜୟୀ କରାଇଥିଲେ। ଇରଫାନ ପଠାନ ଏହି ମ୍ୟାଚରେ ଛକା ମାରି ନିଜ ଦଳ ଓ୍ଵାନ୍ ୱାର୍ଲ୍ଡକୁ ବିଜୟୀ କରାଇଥିଲେ।
Comments are closed.