ମୁମ୍ବାଇ:ଗୁଜରାଟ ଟାଇଟାନ୍ସ ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଆଇପିଏଲର ଆଗାମୀ ସଂସ୍କରଣରେ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଖେଳିବା ନେଇ ରିପୋର୍ଟ ପ୍ରକାଶ ପାଇଛି । ଗୁଜରାଟ ଟିମ ପକ୍ଷରୁ ଏହି ସୂଚନା ଦିଆଯାଇଛି । ଶୁଭମନ ଗିଲଙ୍କୁ ଗୁଜରାଟ ଟିମ ଅଧିନାୟକ ଦାୟିତ୍ୱ ପ୍ରଦାନ କରାଯିବ । ହାର୍ଦ୍ଦିକଙ୍କୁ ମୁମ୍ବାଇର ଜଣେ ଖେଳାଳିଙ୍କ ସହ ସ୍ୱାଇପ କରାଯାଇଛି । ତେବେ ସେହି ଖେଳାଳିଜଣଙ୍କ କିଏ ତାହା ସ୍ପଷ୍ଟ ହୋଇନି । ପୂର୍ବରୁ ମୁମ୍ବାଇ ଅଧିନାୟକ ରୋହିତ ଶର୍ମା ଗୁଜରାଟ ଆସିବେ ଓ ହାର୍ଦ୍ଦିକ ମୁମ୍ବାଇ ଯିବେ ବୋଲି ଖବର ପ୍ରକାଶ ପାଇଥିଲା । ତେବେ ଏହା ସ୍ପଷ୍ଟ ହୋଇପାରିନି । ଗୁଜରାଟ ୨୦୨୨ରେ ପ୍ରଥମ ଥର ପାଇଁ ଆଇପିଏଲ ଟିମରେ ସାମିଲ ହୋଇଥିଲା ।
ହାର୍ଦ୍ଦିକଙ୍କ ନେତୃତ୍ୱରେ ଗୁଜରାଟ ଟାଇଟଲ ହାସଲ କରିଥିଲା । ୨୦୨୩ରେ ଗୁଜରାଟ ଫାଇନାଲରେ ପ୍ରବେଶ କରିଥିଲେ ମଧ୍ୟ ଚେନ୍ନାଇ ସୁପର କିଙ୍ଗସଠାରୁ ହାରି ରନର୍ସଅପରେ ସନ୍ତୁଷ୍ଟ ହୋଇଥିଲା । ଅପରପକ୍ଷରେ ମୁମ୍ବାଇ ପକ୍ଷରୁ ହାର୍ଦ୍ଦିକ ଖେଳୁଥିବା ଅବସରରେ ଦଳ ୪ଥର ଚାମ୍ପିୟନ ହୋଇଛି । ୨୦୨୧ ପର୍ଯ୍ୟନ୍ତ ସେ ମୁମ୍ବାଇ ଟିମ ସହିତ ରହିଥିଲେ ।
Comments are closed.