ନୂଆଦିଲ୍ଲୀ: ଚାରିଆଡେ କରୋନା ଭାଇରସ କୋକୁଆ ଭୟ । ସାରା ବିଶ୍ୱରେ ମାଡି ଚାଲିଛି କରୋନା ଭୂତାଣୁର ସଂକ୍ରମଣ । ଭାରତରେ ମଧ୍ୟ ଏହି ଭାଇରସର ଭୟ ଦେଖିବାକୁ ମିଳିଛି । ରାଜ୍ୟସଭାରେ ଦେଶର କରୋନା ସ୍ଥିତି ନେଇ ମତ ରଖିଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ହର୍ଷବର୍ଦ୍ଧନ । ଭାରତରେ ୨୮ ହଜାର ୫୨୯ କରୋନା ସନ୍ଦିଗ୍ଧଙ୍କ ଉପରେ ନଜର ରଖାଯାଇଥିବା ସେ କହିଛନ୍ତି ।
ଏବେ ଯାଏ ଭାରତରେ ୨୯ ଜଣଙ୍କ ଠାରେ କରୋନା ଭୂତାଣୁ ଚିହ୍ନଟ ହୋଇଛି । ସେମାନଙ୍କ ମଧ୍ୟରୁ ୩ଜଣ ସୁସ୍ଥ ହୋଇଥିବା ବେଳେ ଏବେବି ଆହୁରି ୨୬ ଜଣ କରୋନା ଆକ୍ରାନ୍ତରେ ଚିକିତ୍ସିତ ହେଉଛନ୍ତି । ଭାରତ ସରକାର ଏନେଇ ପଦକ୍ଷେପ ନେଇଛନ୍ତି । ସମସ୍ତ ମେଡିକାଲରେ ଆଇସୋଲେସନ୍ ୱାର୍ଡ ହୋଇଛି । ସଂକ୍ରମିତ ହେବାର ୧୪ ଦିନ ପରେ ରୋଗ ଜଣାପଡିଥାଏ ବୋଲି ହର୍ଷବର୍ଦ୍ଧନ କହିଛନ୍ତି ।
କରୋନା ପାଇଁ ସବୁ ବିମାନ ବନ୍ଦରରେ ଡାକ୍ତରଙ୍କୁ ନିୟୋଜିତ କରାଯାଇଛି । ୨୧ଟି ବିମାନ ବନ୍ଦରରେ ୩ଶହ ଡାକ୍ତରଙ୍କୁ ନିୟୋଜିତ କରାଯାଇଥିବା କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ କହିଛନ୍ତି । ସବୁଠି ସ୍କ୍ରିନିଂ କରାଯାଉଛି । ଚୀନ୍, ଦକ୍ଷିଣ କୋରିଆ, ଜାପାନ, ଇଟାଲୀ ପାଇଁ ଭିସା ବାତିଲ କରାଯାଇଥିବା କହିଛନ୍ତି ଡକ୍ଟର ହର୍ଷବର୍ଦ୍ଧନ ।
Comments are closed.