ନୂଆଦିଲ୍ଲୀ: କରୋନା ମହାମାରୀକୁ ରୋକିବା ପାଇଁ ପୃଥିବୀର ଅନେକ ଦେଶରେ ଟୀକାକରଣ ଆରମ୍ଭ ହୋଇଛି ଏବଂ ଅନେକ ଦେଶରେ ଏହା ଶୁଭାରମ୍ଭ ହେବାକୁ ଯାଉଛି। ଏହି ସମୟରେ, ବିଶ୍ୱ ସ୍ୱାସ୍ଥ୍ୟ ସଂଗଠନର ଜଣେ ଅଗ୍ରଣୀ ବୈଜ୍ଞାନିକଙ୍କ କଥା ଲୋକଙ୍କୁ ନିରାଶ କରିପାରେ। ବୈଜ୍ଞାନିକ ଚେତାବନୀ ଦେଇଛନ୍ତି ଯେ କରୋନା ଟୀକାକରଣ ଆରମ୍ଭ ହେବା ପରେ ମଧ୍ୟ ଚଳିତ ବର୍ଷ ହର୍ଡ ଇମ୍ୟୁନିଟି ବିକଶିତ ହେବାର ସମ୍ଭାବନା ନାହିଁ। ସୋମବାର ଏକ ଗଣମାଧ୍ୟମରେ ସୂଚନା ଦେଇ ଡକ୍ଟର ସୋମିଆ ସ୍ବାମୀନାଥନ୍ କହିଛନ୍ତି ଯେ ନିକଟ ଭବିଷ୍ୟତରେ ଅନେକ ଦେଶ କରୋନା ବିସ୍ତାରକୁ ରୋକିବା ପାଇଁ ଶାରୀରିକ ଦୂରତା ସମେତ ଅନ୍ୟାନ୍ୟ ପଦକ୍ଷେପ ଉପରେ ନିର୍ଭର କରିବାକୁ ପଡିବ। ନିକଟ ଅତୀତରେ ବ୍ରିଟେନ, ଆମେରିକା, ଫ୍ରାନ୍ସ, କାନାଡା, ଜର୍ମାନୀ, ଇସ୍ରାଏଲ୍ ଏବଂ ନେଦରଲ୍ୟାଣ୍ଡ ସମେତ ଅନ୍ୟ ଦେଶମାନେ ନାଗରିକମାନଙ୍କୁ କରୋନା ଟୀକାକରଣ ଆରମ୍ଭ କରିଛନ୍ତି।
ସ୍ବାମୀନାଥନ୍ କହିଛନ୍ତି ଯେ ଯଦିଓ ଟିକା ସମ୍ବେଦନଶୀଳ ଲୋକଙ୍କୁ ସୁରକ୍ଷା ଦେବା ଆରମ୍ଭ କରେ, ୨୦୨୧ ମସିହାରେ ହାର୍ଡ ଇମ୍ୟୁନିଟି ବିକଶିତ କରିପାରିବୁ ନାହିଁ। ବୈଜ୍ଞାନିକଙ୍କ ଅନୁଯାୟୀ ହାର୍ଡ ଇମ୍ୟୁନିଟି ସାଧାରଣତ ପ୍ରାୟ ୭୦ ପ୍ରତିଶତ ଟିକାକରଣ ହାର ଆବଶ୍ୟକ କରେ। ଏହା ସମଗ୍ର ଜନସଂଖ୍ୟାକୁ କୌଣସି ରୋଗରୁ ସୁରକ୍ଷିତ କରିଥାଏ। କିନ୍ତୁ କରୋନା ଯଥେଷ୍ଟ ସଂକ୍ରାମକ, ତେଣୁ କେତେକ ବିଶ୍ୱାସ କରନ୍ତି ଯେ ୭୦ ପ୍ରତିଶତ ଏହା ପାଇଁ କାମ କରିବ ନାହିଁ।
Comments are closed.