ନୂଆଦିଲ୍ଲୀ: ବିରାଟ କୋହଲି ଶନିବାର ଦିନ ନିଜର ବ୍ୟସ୍ତବହୁଳ କାର୍ଯ୍ୟସୂଚୀରୁ କିଛି ସମୟ ବାହାର କରି ସୋସିଆଲ୍ ମିଡିଆରେ ତାଙ୍କ ପ୍ରଶଂସକଙ୍କ ସହ ଯୋଗାଯୋଗ କରିଥିଲେ।
ବିରୁଷ୍କା ତାଙ୍କ ଶିଶୁ କନ୍ୟା ଭାମିକାଙ୍କ ଫଟୋ ସୋସିଆଲ୍ ମିଡିଆରେ କାହିଁକି ସେୟାର୍ କରୁ ନାହାନ୍ତି ବୋଲି ପ୍ରଶଂସକ ତାଙ୍କୁ ପ୍ରଶ୍ନ କରିଥିଲେ। ଏ ବିଷୟରେ ଜଣେ ପ୍ରଶଂସକ କ୍ରିକେଟରଙ୍କୁ ପଚାରିଲେ, “ଭାମିକାଙ୍କର ଅର୍ଥ କ’ଣ, ସେ କେମିତି ଅଛନ୍ତି? ଆମେ ଦୟାକରି ତାଙ୍କର କିଛି ଝଲକ ଦେଖିପାରିବୁ କି?” ପୂର୍ବରୁ ତାଙ୍କ ପତ୍ନୀ ଅନୁଷ୍କା ଶର୍ମାଙ୍କ ସହ ବିରାଟ କୋହଲି ନିଜ ଝିଅ ପାଇଁ ଗୋପନୀୟତାର ଆବଶ୍ୟକତା ଉପରେ କ୍ରମାଗତ ଭାବରେ ଗୁରୁତ୍ୱାରୋପ କରିଆସୁଛନ୍ତି।
ଏହା ଉତ୍ତରରେ ସେ କହିଛନ୍ତି ଯେ, ଭାମିକା ଦେବୀ ଦୁର୍ଗାଙ୍କ ଅନ୍ୟ ନାମ। ସେ ଆହୁରି ମଧ୍ୟ କହିଛନ୍ତି ଯେ ସୋସିଆଲ ମିଡିଆ କ’ଣ ଏହା ନ ବୁଝିବା ପର୍ଯ୍ୟନ୍ତ ସୋସିଆଲ୍ ମିଡିଆରେ ଭାମିକାକୁ ପ୍ରବେଶ ନ କରାଇବାକୁ ଆମେ ନିଷ୍ପତ୍ତି ନେଇଛୁ। ଏହା ତା ନିଜ ପସନ୍ଦ ହେବା ଉଚିତ।
Comments are closed.