ନୂଆଦିଲ୍ଲୀ: ଆଦାନୀ ଗ୍ରୁପ୍ ପରେ ସର୍ଟ ସେଲର ହିଣ୍ଡେନବର୍ଗ ରିସର୍ଚ୍ଚ ଗୁରୁବାର ଟ୍ବିଟରର ପୂର୍ବତନ ମାଲିକ ଜ୍ଯାକ ଡୋର୍ସିଙ୍କ କମ୍ପାନୀ ବ୍ଲକ୍ ଇନକୁ ଟାର୍ଗେଟ କରିଛି। ହିଣ୍ଡେନବର୍ଗର ରିପୋର୍ଟ ପରେ ସଂପୃକ୍ତ କମ୍ପାନୀର ସେୟାର ମୂଲ୍ୟରେ ହ୍ରାସ ଘଟିଛି। ଏହି ଆମେରିକାନ ସଂସ୍ଥା ଦାବି କରିଛି ଯେ ଜ୍ୟାକ୍ ଡୋର୍ସିଙ୍କ ନେତୃତ୍ୱାଧୀନ ଏହି ପେମେଣ୍ଟ କମ୍ପାନୀ ଉପଭୋକ୍ତା ସଂଖ୍ୟା ବୃଦ୍ଧି କରିଥିବାବେଳେ ଗ୍ରାହକ ସୃଷ୍ଟି କରିବାରେ ଖର୍ଚ୍ଚ ହ୍ରାସ କରିଛି। ଏହି ରିପୋର୍ଟ ଆସିବା ପରେ ମାର୍କେଟରେ ବ୍ଲକ କମ୍ପାନୀର ଅଂଶ ୧୮ ପ୍ରତିଶତ ହ୍ରାସ ପାଇଥିବାର ଦେଖାଯାଉଛି।
ହିଣ୍ଡେନବର୍ଗ ରିସର୍ଚ୍ଚ ଏହାର ରିପୋର୍ଟରେ କହିଛି ଯେ ଗତ ଦୁଇ ବର୍ଷର ଅନୁସନ୍ଧାନରୁ କଂପାନୀ ଜାଣିବାକୁ ପାଇଛି ଯେ ବ୍ଲକ୍ ସାହାଯ୍ୟ କରିବାକୁ ଦାବି କରୁଥିବା ଜନସଂଖ୍ୟାର ବ୍ୟବସ୍ଥିତ ଭାବରେ ଏହାର ଲାଭ ଉଠାଇଛି। ରିପୋର୍ଟରେ ଦର୍ଶାଯାଇଛି ଯେ ବ୍ଲକର ବ୍ୟବସାୟ ପଛରେ ଗ୍ରାହକ ଏବଂ ସରକାରଙ୍କୁ ଠକିବା ପାଇଁ ଉଦ୍ଦେଶ୍ୟ।
ଏହାପୂର୍ବରୁ ଚଳିତବର୍ଷ ଜାନୁଆରୀ ୨୪ରେ ହିଣ୍ଡେନବର୍ଗ ରିସର୍ଚ୍ଚ ଆଦାନୀ ଗ୍ରୁପର ଅଂଶଧନକୁ ହ୍ରାସ କରିଥିଲା।ହିଣ୍ଡେନବର୍ଗ ରିସର୍ଚ୍ଚ ରିପୋର୍ଟ ପ୍ରକାଶ ପାଇବା ପରେ ଷ୍ଟକ୍ ଏକ୍ସଚେଞ୍ଜରେ ତାଲିକାଭୁକ୍ତ ଆଦାନୀ ଗ୍ରୁପର ସମସ୍ତ ୧୦ଟି ଷ୍ଟକଗୁଡିକର ବଜାର ପୁଞ୍ଜିକରଣ ୧୯ ଲକ୍ଷ କୋଟିରୁ ୭.୧୧ ଲକ୍ଷ କୋଟିକୁ ଖସି ଆସିଛି।
Comments are closed.