ପାକିସ୍ତାନ, ଆଫଗାନିସ୍ତାନ ଏବଂ ବାଂଲାଦେଶରୁ ଆସୁଥିବା ଲୋକଙ୍କୁ ନେଇ କେନ୍ଦ୍ର ସରକାରଙ୍କ ବଡ ଘୋଷଣା…

ନୂଆଦିଲ୍ଲୀ: ଆଫଗାନିସ୍ତାନ, ବାଂଲାଦେଶ ଏବଂ ପାକିସ୍ତାନରୁ ଧାର୍ମିକ ନିର୍ଯାତନା ଯୋଗୁଁ ଭାରତ ଆସିଥିବା ହିନ୍ଦୁ, ଶିଖ, ବୌଦ୍ଧ, ଜୈନ, ପାର୍ସୀ ଏବଂ ଖ୍ରୀଷ୍ଟିଆନ ସମ୍ପ୍ରଦାୟର ଲୋକଙ୍କ ପାଇଁ ଭାରତ ସରକାର ଏକ ବଡ଼ ଘୋଷଣା କରିଛନ୍ତି । କେନ୍ଦ୍ର ଗୃହ ମନ୍ତ୍ରଣାଳୟ କହିଛି ଯେ ୩୧ ଡିସେମ୍ବର ୨୦୨୪ ସୁଦ୍ଧା ଭାରତ ଆସିଥିବା ଏପରି ଲୋକଙ୍କୁ ପାସପୋର୍ଟ କିମ୍ବା ଅନ୍ୟାନ୍ୟ ଯାତ୍ରା ଡକ୍ୟୁମେଣ୍ଟ ବିନା ମଧ୍ୟ ଭାରତରେ ରହିବାକୁ ଅନୁମତି ଦିଆଯିବ ।

ଗତ ବର୍ଷ ଦେଶରେ ଲାଗୁ ହୋଇଥିବା ନାଗରିକତା (ସଂଶୋଧନ) ଆଇନ (CAA) ଅନୁଯାୟୀ, ୩୧ ଡିସେମ୍ବର ୨୦୧୪ କିମ୍ବା ତା’ପୂର୍ବରୁ ଭାରତ ଆସିଥିବା ଏହି ନିର୍ଯାତିତ ସଂଖ୍ୟାଲଘୁମାନଙ୍କୁ ଭାରତୀୟ ନାଗରିକତା ପ୍ରଦାନ କରାଯିବ । ତଥାପି, ବର୍ତ୍ତମାନ ସରକାର ପ୍ରବାସ ଏବଂ ବିଦେଶୀ (ନାଗରିକ) ଆଇନ, ୨୦୨୫ କାର୍ଯ୍ୟକାରୀ କରିଛନ୍ତି । ଏହି ଆଇନ ଅଧୀନରେ ଏହି ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ଜାରି କରାଯାଇଛି । ସରକାରଙ୍କ ଏହି ନିଷ୍ପତ୍ତି ବହୁ ସଂଖ୍ୟକ ଲୋକଙ୍କୁ, ବିଶେଷକରି ପାକିସ୍ତାନରୁ ହିନ୍ଦୁମାନଙ୍କୁ, ଯେଉଁମାନେ ୨୦୧୪ ପରେ ଭାରତ ଆସିଥିଲେ ଏବଂ ନିଜ ଭବିଷ୍ୟତ ବିଷୟରେ ଚିନ୍ତିତ ଥିଲେ, ଆଶ୍ୱସ୍ତି ପ୍ରଦାନ କରିବ ।

ଅନ୍ୟପକ୍ଷରେ, ଗୃହ ମନ୍ତ୍ରଣାଳୟ ଏହା ମଧ୍ୟ ସୂଚନା ଦେଇଛି ଯେ ନେପାଳ ଏବଂ ଭୁଟାନର ନାଗରିକମାନଙ୍କ ସହିତ ଉଭୟ ପଡ଼ୋଶୀ ଦେଶରୁ ସଡ଼କ କିମ୍ବା ବିମାନ ଯୋଗେ ଭାରତରେ ପ୍ରବେଶ କରୁଥିବା ଭାରତୀୟମାନଙ୍କୁ ପୂର୍ବ ପରି ପାସପୋର୍ଟ କିମ୍ବା ଭିସା ଦେଖାଇବାକୁ ପଡ଼ିବ ନାହିଁ ।