ନୂଆଦିଲ୍ଲୀ: ନୂତନ ଶ୍ରମ ସଂହିତାର ଦେଶବ୍ୟାପୀ କାର୍ଯ୍ୟକାରିତା ପାଇଁ ସମସ୍ତ ଶ୍ରମିକଙ୍କୁ ଶୁଭେଚ୍ଛା ଜଣାଇଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ।
ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଲାଗୁ ହୋଇଥିବା ଏହି ସଂହିତାଗୁଡ଼ିକ ଶ୍ରମ ଆଇନ ଇତିହାସରେ ସବୁଠାରୁ ବଡ଼ ସଂସ୍କାରର ପ୍ରତିନିଧିତ୍ୱ କରୁଛି। ସର୍ବନିମ୍ନ ମଜୁରୀ, ସାମାଜିକ ସୁରକ୍ଷା, ମହିଳା ଶ୍ରମିକଙ୍କ ପାଇଁ ସମାନ ସୁଯୋଗ ଏବଂ ଗିଗ୍ ଏବଂ ଅସଂଗଠିତ ଶ୍ରମିକଙ୍କ ପାଇଁ ଆଇନଗତ ସ୍ୱୀକୃତିକୁ ସ୍ପଷ୍ଟ କରୁଥିବା ଏହି କୋଡ୍ ଶ୍ରମିକଙ୍କ ଜୀବନଧାରଣ ମାନରେ ଉନ୍ନତି ଆଣିବ। ସେମାନେ ଏକ ବିକଶିତ ଏବଂ ଆତ୍ମନିର୍ଭରଶୀଳ ଭାରତର ନିର୍ମାଣକୁ ତ୍ୱରାନ୍ୱିତ କରିବେ ବୋଲି କେନ୍ଦ୍ର ଗୃହମନ୍ତ୍ରୀ ପ୍ରକାଶ କରିଛନ୍ତି।
ଏକ୍ସ ପ୍ଲାଟଫର୍ମରେ ଏକ ପୋଷ୍ଟରେ ଅମିତ ଶାହ କହିଛନ୍ତି ଯେ, ନୂତନ ଶ୍ରମ ସଂହିତାର ଦେଶବ୍ୟାପୀ କାର୍ଯ୍ୟକାରିତା ପାଇଁ ସାରା ଦେଶର ସମସ୍ତ ଶ୍ରମିକଙ୍କୁ ଶୁଭେଚ୍ଛା। ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ପ୍ରଣୟନ କରାଯାଇଥିବା ଏହି ସଂହିତାଗୁଡ଼ିକ ଶ୍ରମ ଆଇନ ଇତିହାସରେ ସବୁଠାରୁ ବଡ଼ ସଂସ୍କାରର ପ୍ରତିନିଧିତ୍ୱ କରୁଛି। ଶ୍ରମିକମାନେ ଏକ ବିକଶିତ ଏବଂ ଆତ୍ମନିର୍ଭରଶୀଳ ଭାରତର ନିର୍ମାଣକୁ ତ୍ୱରାନ୍ୱିତ କରିବେ। ଯାହା ସାରା ବିଶ୍ୱରେ ଶ୍ରମ ଆଇନ ପାଇଁ ଏକ ଆଦର୍ଶ ହେବ। ଏହି ଐତିହାସିକ ନିୟମଗୁଡ଼ିକ ପାଇଁ ସେ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି।
Comments are closed.