ଅହମ୍ମଦାବାଦ: କଥାରେ ଅଛି, ରଖିଲେ ହରି, ମାରିବ କିଏ?, ଏହି ଉକ୍ତିଟି ବିଶ୍ବାସ କୁମାର ରମେଶଙ୍କ ପାଇଁ ଆଜି ସତ ହୋଇଯାଇଛି । ଏତେ ବଡ ଦୁର୍ଘଟଣା, ୨୪୨ ଜଣଙ୍କ ମଧ୍ୟରୁ ୨୪୧ ଜଣଙ୍କର ମୃତ୍ୟୁ, ହେଲେ ବିମାନ ଦୁର୍ଘଟଣା ପରେ ନିଜେ ମୃତ୍ୟୁ ମୁହଁରୁ ଚାଲିକି ବାହାରି ଆସିଲେ । ଇଏ ଚମତ୍କାର ନୁହେଁ ତ ଆଉ କାହାଣୀ । ଏବେ ସେ ଅହମ୍ମଦାବାଦ ସିଭିଲ ହସ୍ପିଟାଲରେ ଚିକିତ୍ସିତ ହେଉଛନ୍ତି ପ୍ରଧାନମନ୍ତ୍ରୀ ମୋଦି ବି ତାଙ୍କୁ ଭେଟିଛନ୍ତି । ଯେତେବେଳେ ସେ ସେହି ଛାତିଥରା ଦୃଶ୍ୟକୁ ମନେପକାଇଛନ୍ତି, କେବଳ ଗୋଟିଏ ଉତ୍ତର ଦେଇଛନ୍ତି, ‘ମୁଁ ଜାଣିନି ମୁଁ କେମିତି ବଞ୍ଚିଲି ।’ ବାସ୍ତବରେ ତାଙ୍କ କଥା ଆପଣଙ୍କ ରୁମ ଟାଙ୍କୁରାଇ ଦେବ ।
ଏନାଇ ଅହମ୍ମଦାବାଦରେ ଏୟାର ଇଣ୍ଡିଆ ଫ୍ଲାଇଟ୍ AI171 ଦୁର୍ଘଟଣାର ଏକମାତ୍ର ବଞ୍ଚିଯାଇଥିବା ବ୍ୟକ୍ତି, ଯେଉଁଥିରେ ୨୬୫ ଜଣଙ୍କର ମୃତ୍ୟୁ ହୋଇଥିଲା, ସେ କିପରି ଦୁର୍ଘଟଣା ପରେ ହୋଇଥିବା ଅଗ୍ନିକଣିକାରୁ ଚମତ୍କାର ଭାବରେ ରକ୍ଷା ପାଇଥିଲେ ତାହା ପ୍ରକାଶ କରିଛନ୍ତି । ବିଶ୍ୱାଶ କୁମାର ରମେଶ, ଜଣେ ବ୍ରିଟିଶ ନାଗରିକ, ବିମାନର ବାମ ପାର୍ଶ୍ୱରେ ଜରୁରୀକାଳୀନ ଦ୍ୱାର ପାଖରେ ୧୧ଏ ରେ ବସିଥିଲେ। ସେ କହିଛନ୍ତି ଯେ ଉଡ଼ାଣ ଭରିବା ପରେ ବିମାନଟି ଭାଙ୍ଗି ଯାଇଥିଲା ଏବଂ ତାଙ୍କ ସିଟ୍ ଭଗ୍ନାବଶେଷରୁ ମୁକ୍ତ ହୋଇଯାଇଥିଲା। ‘ମୁଁ ମୋର ସିଟରେ ବସିଥିଲି, ମୁଁ ଡେଇଁନାହିଁ, ହେଲେ ବିମାନଟି ଦୁର୍ଘଟଣାଗ୍ରସ୍ତ ହେବା ପରେ ତାଙ୍କ ସିଟ୍ ବିମାନଠୁ ଅଲଗା ହୋଇଯାଇଥିଲା । ଫଳରେ ସେ ଭୟାବହ ଅଗ୍ନିକାଣ୍ଡରୁ ବଞ୍ଚିଯାଇଥିଲେ । ଏହି ପରି ମୁଁ ରକ୍ଷା ପାଇଯାଇଥିଲି ।
ରମେଶ ଡାକ୍ତରମାନଙ୍କୁ କହିଥିଲେ ଯେ ସେ ବିମାନରୁ ଡେଇଁ ନଥିଲେ କିନ୍ତୁ ବିମାନଟି ଭାଙ୍ଗିଯିବା ପରେ ତାଙ୍କ ସିଟରେ ବାନ୍ଧି ହୋଇ ବାହାରକୁ ଛିଟିକି ପଡିଥିଲେ । କହିଛନ୍ତି, ମୁଁ ଯେଉଁ ସ୍ଥାନରେ ଅବତରଣ କରିଥିଲି ସେ ସ୍ଥାନଟି ନିମ୍ନ ଥିଲା… ମୁଁ ସିଟ୍ ବେଲ୍ଟ କାଢ଼ିଦେଲି ଏବଂ କିଛି ସମୟ ପାଇଁ, ମୁଁ ମୋ ଜୀବନ ପାଇଁ ଭୟଭୀତ ହୋଇଗଲି। କିନ୍ତୁ ମୁଁ ଭୂମିସ୍ତର ନିକଟରେ ଥିଲି, ତେଣୁ ମୁଁ ବାହାରକୁ ବାହାରିବାକୁ ଚେଷ୍ଟା କଲି, ଏହାପରେ ବିମାନର ଦ୍ୱାର ଭାଙ୍ଗି ଯାଇଥିବା ଦେଖି ରମେଶ କହିଥିଲେ ମୁଁ ବିଶ୍ୱାସ କରିପାରୁନାହିଁ ଯେ ମୁଁ କିପରି ବଞ୍ଚିଗଲି, ମୁଁ ଭାବିଥିଲି ମୁଁ ମରିଯିବି। ମୋ ଆଖି ସାମ୍ନାରେ ଲୋକମାନେ ମରିଗଲେ। କିନ୍ତୁ ସତେ ଯେମିତି ବିଶ୍ବାସଙ୍କ ହାତ ଧରି ନେଇଆସିଥିଲେ ଭଗବାନ । ଯେଉଁଠି ପୂରା ୨୪୧ ଜଣ ଅଗ୍ନିର ଆଁରେ ଲୀନ ହୋଇଯାଇଥିଲେ, ସେମାନଙ୍କର ଚିହ୍ନବର୍ଣ୍ଣ ବି ମିଳିନି, ସେଠି ଭାଇରାଲ ହୋଇଥିବା କ୍ଷତବିକ୍ଷତ ଏବଂ ରକ୍ତାକ୍ତ ରମେଶ ନିଜେ ଆମ୍ବୁଲାନ୍ସ ଆଡକୁ ଛୋଟେଇ ଛୋଟେଇ ଚାଲିଯାଇଥିଲେ । ଏବେ ସେ ହସ୍ପିଟାଲରେ ଚିକିତ୍ସିତ ହେଉଛନ୍ତି ।
Comments are closed.