ଆମେରିକାରେ ଦୁଇଟି ସମୋସାକୁ କେତେ ଟଙ୍କାରେ ମିଳିଥାଏ ? ଦାମ ଶୁଣିଲେ ଚମକି ପଡ଼ିବେ

ନୂଆଦିଲ୍ଲୀ: ଆମେରିକା – ଏହି ନାମ ଶୁଣିଲେ ଆମ ମନରେ ବଡ଼ ବଡ଼ ଅଟ୍ଟାଳିକା, ଝଲସୁଥିବା ରାସ୍ତା ଓ ଆଡ଼ମ୍ବରପୂର୍ଣ୍ଣ ଜୀବନଶୈଳୀର ଚିତ୍ର ଉଭା ହୁଏ। କିନ୍ତୁ ସବୁକିଛି ଏପରି ନୁହେଁ। ଆମେରିକା ବିଶ୍ୱର ସବୁଠାରୁ ବିକଶିତ ଦେଶ ହେଲେ ମଧ୍ୟ ଏହା ବିଶ୍ୱର ସବୁଠାରୁ ମହଙ୍ଗା ଦେଶମାନଙ୍କ ମଧ୍ୟରେ ଗୋଟିଏ। ଏଠାରେ ଦରଦାମ ଏତେ ଅଧିକ ଯେ ସମସ୍ତଙ୍କ ପାଇଁ ଆଡ଼ମ୍ବରପୂର୍ଣ୍ଣ ଜୀବନ ଜିଇଁବା ସହଜ ନୁହେଁ।

ଖାଦ୍ୟପେୟରୁ ଆରମ୍ଭ କରି ରହିବା ପାଇଁ ଘର ପର୍ଯ୍ୟନ୍ତ, ସବୁକିଛିରେ ଆପଣଙ୍କୁ ଅଧିକ ଟଙ୍କା ଖର୍ଚ୍ଚ କରିବାକୁ ପଡ଼େ। ଯଦି ଆପଣ ଭାରତରେ ସେତିକି ଟଙ୍କା ଖର୍ଚ୍ଚ କରନ୍ତି, ତେବେ ଆପଣ ଏକ ସୁନ୍ଦର ଜୀବନଶୈଳୀ ଜିଇଁପାରିବେ। ଆସନ୍ତୁ, ଆଜି ଆମେ ଆପଣଙ୍କୁ ଭାରତ ଓ ଆମେରିକାରେ ସମୋସାର ଦାମ୍‌ ବିଷୟରେ କହୁଛୁ, ଯାହାଦ୍ୱାରା ଆପଣ ଜାଣିପାରିବେ ଆମେରିକା କେତେ ମହଙ୍ଗା ଦେଶ।

ଆମେରିକାରେ ସମୋସା ଓ ଅନ୍ୟାନ୍ୟ ଭାରତୀୟ ଖାଦ୍ୟ ବିକ୍ରି କରୁଥିବା ‘Taste of India Brookfield’ ନାମକ ରେଷ୍ଟୁରାଣ୍ଟରେ ୨ଟି ସମୋସାର ମୂଲ୍ୟ ୫.୯୫ ଆମେରିକୀୟ ଡଲାର। ଏହାକୁ ଯଦି ଭାରତୀୟ ମୁଦ୍ରାରେ ରୂପାନ୍ତର କରାଯାଏ, ତେବେ ଏହା ୫୦୯.୧୦ ଭାରତୀୟ ଟଙ୍କା ହେବ। ଅନ୍ୟ ଏକ ରେଷ୍ଟୁରାଣ୍ଟ ‘Masala Bites Indian Restaurant’ରେ ଗୋଟିଏ ସମୋସାର ମୂଲ୍ୟ ୬.୯୯ ଆମେରିକୀୟ ଡଲାର, ଅର୍ଥାତ୍‌ ୫୯୮.୦୯ ଭାରତୀୟ ଟଙ୍କା। ଯଦି ଆପଣ ଏଠାରୁ ୨ଟି ସମୋସା ଖାଇବେ, ତେବେ ଆପଣଙ୍କୁ ୧୩.୯୮ ଆମେରିକୀୟ ଡଲାର, ଅର୍ଥାତ୍‌ ୧,୧୯୬.୧୭ ଭାରତୀୟ ଟଙ୍କା ଦେବାକୁ ପଡ଼ିବ। କେତେକ ସ୍ଥାନରେ ଏହି ମୂଲ୍ୟ ଟିକେ କମ୍‌ କିମ୍ବା ଅଧିକ ହୋଇପାରେ। ସରଳ ଭାଷାରେ କହିଲେ, ଆମେରିକାରେ ୨ଟି ସମୋସା ପାଇଁ ଆପଣଙ୍କୁ ପ୍ରାୟ ୫୦୦ରୁ ଦେଢ଼ ହଜାର ଭାରତୀୟ ଟଙ୍କା ଖର୍ଚ୍ଚ କରିବାକୁ ପଡ଼ିବ।

ଭାରତରେ ମହଙ୍ଗା ହୋଟେଲରେ ମଧ୍ୟ ସମୋସାର ମୂଲ୍ୟ ସର୍ବାଧିକ ୫୦ ଟଙ୍କା ହେବ। ସାଧାରଣତଃ ଭଲ ହୋଟେଲମାନଙ୍କରେ ୨୫ରୁ ୩୦ ଟଙ୍କାରେ ୨ଟି ସମୋସା ମିଳିଯାଏ। ଯଦି ଆପଣ ସ୍ଥାନୀୟ ଦୋକାନରୁ କିଣୁଛନ୍ତି, ତେବେ ୧୫ରୁ ୨୦ ଟଙ୍କାରେ ୨ଟି ସମୋସା ମିଳିଯାଏ, ଯାହା ଆମେରିକା ତୁଳନାରେ ବହୁତ ଶସ୍ତା। ଆମେରିକାରେ ୨ଟି ସମୋସା ଖାଇବା ପାଇଁ ଯେତିକି ଟଙ୍କା ଖର୍ଚ୍ଚ କରିବାକୁ ପଡ଼େ, ସେତିକିରେ ଭାରତରେ ଆପଣ ୨-୪ ଜଣ ବନ୍ଧୁଙ୍କ ସହ ପାର୍ଟି କରିପାରିବେ। ଆମେରିକାରେ କେବଳ ସମୋସା ନୁହେଁ, ଅଧିକାଂଶ ଖାଦ୍ୟପେୟ ମଧ୍ୟ ଏତେ ମହଙ୍ଗା।